Innlent

Fimm í haldi vegna fíkniefnamálsins

Árni Sæberg skrifar
Handtaka var meðal annars framkvæmd í þessu húsi á Raufarhöfn.
Handtaka var meðal annars framkvæmd í þessu húsi á Raufarhöfn. Skjáskot/Ja.is

Héraðsdómur Norðurlands eystra hefur úrskurðað fimm einstaklinga í vikulangt gæsluvarðhald vegna gruns um aðild að fíkniefnaframleiðslu. Þeir voru handteknir í umfangsmiklum aðgerðum lögreglu víða um land, meðal annars á Raufarhöfn, á miðvikudag.

Þetta kemur fram í tilkynningu Lögreglunnar á Norðurlandi eystra, sem hefur haldið spilunum þétt að sér vegna málsins, á Facebook.

Þar segir að miðvikudaginn 18. júní hafi verið farið í samræmdar lögregluaðgerðir á nokkrum stöðum á landinu þar sem framkvæmd var húsleit á fjölda staða og handtökur vegna rannsóknar lögreglunnar á Norðurlandi eystra á skipulagðri brotastarfsemi.

Þessar aðgerðir hafi verið unnar í samstarfi við lögregluna á Vesturlandi, lögregluna á höfuðborgarsvæðinu og sérsveit Ríkislögreglustjóra.

Héraðsdómur Norðurlands eystra hafi úrskurðað fimm einstaklinga í vikulangt gæsluvarðhald vegna gruns um aðild að fíkniefnaframleiðslu og þeir hafi verið fluttir á Hólmsheiði. Þrír þeirra hafi kært úrskurð héraðsdóms til Landsréttar.

Áfram verði unnið að rannsókn málsins á næstu dögum og vikum.

Lögreglumál Dómsmál Norðurþing Fíkniefnabrot

Tengdar fréttir

Húseigandinn Jón dansari segist koma af fjöllum

Jón Eyþór Gottskálksson, eða Jón dansari, er eigandi húsnæðisins á Raufarhöfn þar sem sérsveit réðst í húsleit í gær í tengslum við umfangsmikla rannsókn á skipulagðri glæpastarfsemi og fíkniefnaframleiðslu. Hann segist ekki kannast við málið.

Mest lesið


Fleiri fréttir

Sjá meira


×

Mest lesið