Slot um Jota: Vinur allra og átti drauma­sumar sem gerir þetta enn sorg­legra

Hollenski knattspyrnustjórinn minnist portúgalska framherjans sem átti stóran þátt í því að tryggja honum enska meistaratitilinn á hans fyrsta tímabili sem knattspyrnustjóri Liverpool.

„Hvað get ég sagt? Hvað getur einhver sagt á stundu sem þessari þegar allir eru í áfalli og sársaukinn er svo ótrúlega mikill og nýr. Ég vildi óska þess að ég fyndi réttu orðin,“ skrifaði Arne Slot.

„Fyrsta hugsun mín var ekki sem knattspyrnustjóri heldur sem faðir, sonur, bróðir og frændi. Hugur minn er hjá öllum í fjölskyldu Diogo og Andre Silva sem hafa orðið fyrir þessum hræðilega missi,“ skrifaði Slot.

Þið munuð aldrei ganga ein

„Mín skilaboð til þeirra allra eru skýr. Þið munuð aldrei ganga ein. Leikmenn, starfsmenn og stuðningsmenn fótboltafélagsins Liverpool eru með ykkur og miðað við það sem ég hef séð í dag þá er allur fótboltaheimurinn líka með ykkur,“ skrifaði Slot.

„Fyrir okkur í þessu félagi þá er áfallið gríðarlegt. Diogo var ekki aðeins okkar leikmaður. Hann var ástvinur okkar allra. Hann var liðsfélagi, kollegi, vinnufélagi og var svo sannarlega sérstakur í öllum þessum hlutverkum,“ skrifaði Slot.

Líka hlutir sem ekki allir gáfu séð

„Ég gæti skrifað endalaust um það sem hann færði okkar liði en sannleikurinn er sá að allir sem sáu Diogo spila sáu það. Vinnusemi, ástríða, hollusta, mikil gæði og mörk. Kjarni þess sem Liverpool leikmaður á að búa yfir,“ skrifaði Slot.

„Það voru líka hlutir sem ekki allir gáfu séð. Þetta var persóna sem elti ekki upp vinsældir en þær komu óumbeðnar til hans. Ekki vinur einhverja, heldur vinur allra. Maður sem fékk aðra til að líða betur bara með því að vera í kringum þá. Maður sem var mjög umhugað um fjölskyldu sina,“ skrifaði Slot.

Talaði við hann fyrir brúðkaupið

„Þegar við töluðum saman síðast þá óskaði ég Diogo til hamingju með að vinna Þjóðadeildina og ég óskaði honum jafnframt velfarnaðar í giftingu sinni. Að mörgu leyti þá var þetta draumasumar fyrir Diogo og fjölskyldu hans sem gerir þetta enn átakanlegra og sorglegra að sumarið hans skildi enda svona,“ skrifaði Slot.

Það má lesa alla yfirlýsinguna hér fyrir neðan.