Fínasta veður um land allt

Í dag er skýjað með köflum en úrkomulítið. Hiti er á bilinu 12 til 20 og svalast við sjávarsíðuna. Á norðausturlandi eru líkur á nokkrum síðdegisskúrum.

Þetta kemur fram í hugleiðingum veðurfræðings á Veðurstofu Íslands í dag. Þar segir að hægt vaxandi vestanátt verði í dag. 5 til 10 metrar á sekúndu eftir hádegi en 8 til þrettán seinnipartinn og tíu til fimmtán norðvestan til undir kvöld.

Á morgun verður vestan og norðvestan 5-13 m/s, og bjart um mest allt land, hvassast norðantil. Hvessir heldur og þykknar upp á Norðausturlandi seinnipartinn og dálítil súld eða rigning þar um kvöldið. Hiti breytist lítið.

Á mánudag gera spár ráð fyrir suðlægri átt 5-13 m/s, en 10-18 undir kvöld, hvassast á norðanverðu Snæfellsnesi. Yfirleitt bjart framan af degi, en þykknar upp sunnan- og vestantil seinnipartinn og fer að rigna þar undir kvöld. Hiti 14 til 21 stig, hlýjast á Norðausturlandi.

Á mánudag:

Fremur hæg suðlæg eða breytileg átt og víða léttskýjað framan af degi. Gengur síðan í sunnan 5-13 m/s sunnan- og vestanlands og þykknar upp, hvessir heldur og fer að rigna þar um kvöldið. Hiti 12 til 20 stig, hlýjast á Norðausturlandi.

Á þriðjudag:

Suðvestlæg átt, 5-10 m/s og dálítil rigning eða súld, en bætir í úrkomu um kvöldið. Skýjað, en þurrt að kalla fyrir austan. Hiti 12 til 20 stig, hlýjast norðaustantil.

Á miðvikudag, fimmtudag og föstudag:

Fremur hæg suðlæg eða breytileg átt, víða vætusamt og milt veður, en úrkomulítið fyrir austan.