Innlent

Stóra tjaldið fellt og hætt við brennuna vegna ó­veðurs

Samúel Karl Ólason skrifar
Þrátt fyrir veðrið hélt dagskráin á stóra sviðinu í Herjólfsdal áfram í nótt.
Þrátt fyrir veðrið hélt dagskráin á stóra sviðinu í Herjólfsdal áfram í nótt.

Hætt var við að kveikja í brennunni á Fjósakletti á Þjóðhátíð í Vestmannaeyjum í nótt vegna veðurs. Þá var stóra danstjaldið fellt til að forða því frá foki og veitinga- og tónlistartjöldin, Hvítu tjöldin svokölluðu, í fremri hluta Herjólfsdal rýmd til að tryggja öryggi.

Dagskráin á stóra sviðinu hélt þó áfram í alla nótt.

Fyrr í gærkvöldi höfðu forsvarsmenn Þjóðhátíðar, sem stóðu frammi fyrir þó nokkrum áskorunum samkvæmt tilkynningu, virkjað viðbragðsáætlun og opnað Herjólfshöllina.

Fjölmargir gestir eru sagðir hafa nýtt sér það en einnig var gjaldtöku í samgöngukerfi hátíðarinnar hætt um tíma til að tryggja að sem flestir kæmust til síns heima eða í höllina á sem öruggastan hátt.

Sjá einnig: Þjóðhátíðargestum hleypt inn í Herjólfshöll meðan veðrið gengur yfir

Veðrið fór að ganga niður milli tvö og þrjú í nótt og er búist við því að það versta sé yfirstaðið.

„Við erum hér með einvalalið í öllum stöðum sem tókst á við allar áskoranir af mikilli yfirvegun og dugnaði. Þá vil ég líka þakka öllum gestunum okkar fyrir hversu vel þau hafa staðið sig og ekki má gleyma öllu listafólkinu sem skemmti gestunum okkar af fagmennsku þrátt fyrir erfiðar aðstæður. Við höldum svo bara áfram inn í helgina með ábyrgri bjartsýni,“ segir Jónas Guðbjörn Jónsson, formaður Þjóðhátíðarnefndar, í áðurnefndri tilkynningu.

@idunnragg

♬ Jet2 Advert - ✈️A7-BBH | MAN 🇬🇧

@danarakel

♬ original sound - Ellý Ármanns



Fleiri fréttir

Sjá meira


×