Eggert Aron skoraði og lagði upp í stór­sigri Brann

Gestirnir voru sterkari frá upphafi til enda en það tók þá sinn tíma að komast yfir. Markið kom loks þremur mínútum fyrir lok fyrri hálfleiks. Eggert Aron með stoðsendinguna og staðan 0-1 í hálfleik.

Heimamenn jöfnuðu metin snemma í síðari hálfleik en Brann svaraði með tveimur mörkum áður en Egget Aron bætti því fjórða við á 84. mínútu. Hann var svo tekinn af velli tveimur mínútum síðar.

Eftir sigurinn er Brann í 3. sæti með 33 stig að loknum 17 leikjum. Viking er á toppnum með 39 stig eftir að hafa leikið einum leik meira en Bodo/Glimt er í 2. sæti með 35 stig og leik inni á Bann. Sarpsborg er svo með 22 stig í 8. sæti eftir 16 leiki.