Byrjunar­lið Ís­lands gegn Aserbaísjan: Elías ver markið, Skaga­menn stýra miðjunni og Logi á bekkinn

Elías Rafn Ólafsson mun verja markið í stað Hákons Rafns Valdimarssonar.

Mikael Egill Ellertsson kemur inn fyrir Loga Tómasson í vinstri bakvarðarstöðuna.

Skagamennirnir Ísak Bergmann Jóhannesson og Stefán Teitur Þórðarson munu svo stýra miðjunni í stað Willums Þórs Willumssonar, sem fer á bekkinn, og Arnórs Ingva Traustasonar, sem er utan hóps.

Annað er óbreytt. Fyrirliðinn Orri Steinn Óskarsson er aftur frá vegna meiðsla, líkt og í sumar, þannig að framlínan er óbreytt. Ef miða má út frá síðasta leik verður Jón Dagur hægra megin, Hákon vinstra megin og Albert í holunni.

Þá er varnarlínan sú sama fyrir utan Loga, Guðlaugur Victor er áfram hægri bakvörður, Sverrir og Daníel mynda miðvarðaparið.

Leikurinn hefst klukkan 18:45 og verður í beinni útsendingu á Sýn Sport frá klukkan 18:00. 

Textalýsing Vísis er hafin og má finna hér fyrir neðan. 

LINKUR