Viðskipti innlent

Steinunn frá UNICEF til Festu

Elín Margrét Böðvarsdóttir skrifar
Steinunn Jakobsdóttir hefur verið ráðin nýr samskiptastjóri Festu – miðstöðvar um sjálfbærni.
Steinunn Jakobsdóttir hefur verið ráðin nýr samskiptastjóri Festu – miðstöðvar um sjálfbærni. Mynd/Ernir Eyjólfsson

Steinunn Jakobsdóttir hefur verið ráðin nýr samskiptastjóri Festu – miðstöðvar um sjálfbærni. Steinunn hefur undanfarinn áratug starfað hjá UNICEF á Íslandi, fyrst sem fjáröflunarstjóri og síðan kynningarstjóri. Steinunn mun leiða miðlun og ásýnd Festu út á við og verður falið að sinna samskiptum við aðildarfélög, fjölmiðla og aðra hagsmunaaðila.

Þetta kemur fram í tilkynningu frá Festu, sem eru frjáls félagasamtök sem hafa það að markmiði að skapa vettvang fyrir fyrirtæki, stofnanir og sveitarfélög sem vilja efla sjálfbærni í starfsemi sinni og í samfélaginu í heild.

„Steinunn býr yfir víðtækri alþjóðlegri reynslu á sviði samskipta, málsvarastarfs og stefnumótunar. Auk starfsins hjá UNICEF á Íslandi hefur hún unnið fyrir UNICEF í Kenía, alþjóðleg barnaverndarsamtök í Kambódíu, Tælandi og Laos og fyrir fjölmiðla á Íslandi. Hún er með BA-gráðu í heimspeki og stjórnmálafræði frá Háskóla Íslands, MS-gráðu í þróunarfræðum frá University College Dublin og viðbótardiplóma í umhverfis- og auðlindafræði frá Háskóla Íslands,“ segir um bakgrunn Steinunnar í tilkynningunni.

Sjálf kveðst hún spennt fyrir að taka við nýju starfi. „Sjálfbærni og loftslagsmál eru málefni sem snerta okkur öll og það er mér því dýrmætt að fá að vinna með öflugu teymi Festu og öllum ólíku aðildarfélögunum að jákvæðum breytingum fyrir samfélagið í dag og kynslóðir framtíðarinnar,“ er haft eftir Steinunni.

Elva Rakel Jónsdóttir, framkvæmdastjóri Festu, segir ráðningu Steinunnar vera mikinn feng fyrir félagið og hlakkar til samstarfsins. 

Sjálfbærni Félagasamtök Vistaskipti


Mest lesið


Fleiri fréttir

Sjá meira


×

Mest lesið