Snjó­koma í kortunum

 Upp úr hádegi kemur smálægð að suðurströndinni. Henni fylgir allhvöss austanátt og snjókoma á Suður- og Vesturlandi. Er líður á daginn og í kvöldin færist lægðin norður í land og er spáð að snjókomu.

Á höfuðborgarsvæðinu er spáð hægri austlægri átt, léttskýjað og fjögurra til átta stiga frosti. Það tekur að snjóa seinnipartinn en dregur úr vindi, ofankou og frosti í kvöld.

Á Norðausturlandi verður hins vegar að mestu þurrt og frost tvö til átta stig. Það hlýnar við suðurströndina seinni part dags og hiti farið upp í þrjú stig.

Veðurhorfur á landinu næstu daga

Á mánudag:

Austan og norðaustan 8-15 m/s, en 15-20 m/s við suðausturströndina. Rigning eða slydda á austanverðu landinu, en annars dálitlar skúrir eða él. Hiti víða 0 til 5 stig, en sums staðar vægt frost í innsveitum á Norður- og Austurlandi.

Á þriðjudag:

Norðaustan 8-15 m/s, hvassast suðaustanlands. Dálítil él víða um land, en yfirleitt þurrt og bjart á Suður- og Vesturlandi. Frost víða 0 til 5 stig, en sums staðar frostlaust við sjávarsíðuna.

Á miðvikudag og fimmtudag:

Norðaustlæg átt og él víða um land, en yfirleitt léttskýjað sunnan- og vestanlands. Frost víða 0 til 5 stig.

Á föstudag:

Útlit fyrir áframhaldandi norðaustanátt með snjókomu eða éljum og svölu veðri.