Norður­löndin með risasigra á HM

Danir unnu Króatíu með ellefu mörkum, 35-24, en það var minnsti markamunurinn sem Norðurlöndin buðu upp á í kvöld. Norðmenn völtuðu yfir Kazakhstan 41-16 og Svíar tóku Kúbu í létta kennslustund, 44-17.

Þá vann Ungverjaland stórsigur á Íran, 47-13. Ungverjaland og Swiss eru á toppi A-riðils eftir úrslit dagsins en Sviss lagði Senegal með einu marki, 25-24.

Stórsigur Svía fleytir þeim á topp G-riðils á markamun og sömu sögu má segja að Norðmönnum í H-riðli og Dönum í A-riðli.

Ísland heldur áfram leik á morgun þegar liðið mætir Úrugvæ klukkan 14:30 en bæði liðin eru án sigurs í C-riðli.