Trampólín á flugi og vagn á hliðinni

Lögreglan á höfuðborgarsvæðinu biður fólk um að fara varlega og huga að lausamunum, ekki síst trampólínum sem iðulega fara á loft í veðri sem þessu.

Á meðfylgjandi myndskeiði er einmitt trampólín sem fauk í Mosfellsbænum á tíunda í morgun, en myndskeiðið tók vegfarandi sem þar var á göngu með hundinn sinn.

Þá sendi lesandi Vísis myndir með fréttaskoti af vagni á hliðinni og fleiri fjúkandi hlutum í grennd við gámastöð í Gufunesi.

Fréttin hefur verið uppfærð.