Þreytt á um­ræðu um líkamann sinn: „Á ekki að tjá sig um það“

Hin 23 ára Tausun er í 12. sæti heimslistans í tennis og hefur keppt á öllum fjórum risamótunum.

Tausun er ekki alls sátt við umræðuna í Danmörku, annars vegar við áhersluna á líkamlegt atgervi sitt og hins vegar finnst henni sérfræðingar taka árangri dönsku tennisleikaranna sem of sjálfsögðum hlut. 

„Stundum heyrir maður að maður þurfi að vera í aðeins betra formi eða aðeins skornari. Mér finnst almennt að það eigi ekki að tjá sig um það,“ sagði Tausun.

„Það er mikil umræða um líkamsbygginguna mína. Mér finnst að fólk þurfi að muna hvað við erum að gera. Maður er að keppa ellefu mánuði á ári. Fólk ætti kannski að prófa það áður en það tjáir sig.“

Ekki margir sem geta sagt það

Tausun vill að meira sé gert úr árangri fremstu tennisleikara Danmerkur.

„Ég er ekki viss um - og það á líka við um sérfræðinga sem vita um hvað tennis snýst - að þeir skilji hvað það er sem við erum að gera, jafnvel þótt þeir hafi kannski sjálfir verið þar. Svo gleymir maður kannski stundum að ég er númer tólf í heiminum, Holger [Rune] er númer fimmtán, hefur verið númer fjögur, sem er enn stærra, og hefur komist í átta liða úrslit á risamótum,“ sagði Tausun.

„Að keppa á Wimbledon er gríðarlega góður árangur. Elmer [Møller] var nokkrum sinnum í 1. umferð. Ég var í minni fyrstu 4. umferð, og fyrstu annarri og þriðju umferð ef út í það er farið, og August [Holmgren] náði sínum góða árangri og sömuleiðis Holger. Við erum fjórir færir tennisleikarar á Wimbledon og það eru ekki margir sem geta sagt það. Mér finnst því vera tekið sem of sjálfsögðum hlut sem er miður.“

Alls hefur Tausun sautján sinnum keppt á risamótum á ferlinum. Hún hefur unnið þrjá titla á WTA mótaröðinni.