Lífið

Catherine O'Hara er látin

Rafn Ágúst Ragnarsson skrifar
Catherine O'Hara fór með hlutverk móður Kevins McCallister í tveimur Home Alone-myndum.
Catherine O'Hara fór með hlutverk móður Kevins McCallister í tveimur Home Alone-myndum. Vísir

Leikkonan Catherine O'Hara er látin 71 árs að aldri. Hún er öllum landsmönnum kunnug fyrir að hafa farið með hlutverk móðurinnar í Home Alone en hún átti langan feril í sjónvarpi og á hvíta tjaldinu.

TMZ greinir frá andláti hennar en samkvæmt umfjöllun miðilsins bandaríska er ekki vitað hvernig andlátið bar að.

Auk móður Kevins McCallister í Home Alone eitt og tvö lék hún einnig eftirminnilega í gamanþáttunum Schitt's Creek. Fyrir túlkun sína á Moiru Rose hlaut hún Emmy-verðlaun Hún átti sömuleiðis hlutverk í myndinni Beetlejuice. Hún var einnig tilnefnd til Emmy-verðlauna fyrir leik sinn í þáttunum The Studio.

Catherine var fædd og uppalin í borginni Toronto í Kanada. Hún lætur eftir sig eiginmann og tvo syni.

Andlát Bíó og sjónvarp Bandaríkin Hollywood


Mest lesið


Fleiri fréttir

Sjá meira


×

Mest lesið


Tarot dagsins

Dragðu spil og sjáðu hvaða spádóm það geymir.