Veður

Vara við snörpum vind­hviðum

Agnar Már Másson skrifar
Gera má ráð fyrir snörpum vindhviðum víða á Austur- og Suðausturlandi.
Gera má ráð fyrir snörpum vindhviðum víða á Austur- og Suðausturlandi. Vísir/Vilhelm

Veðurstofa Íslands varaði í dag við snörpum vindhviðum á Austanverðu og Suðaustanveður landinu í dag og á morgun, en viðvörunin hefur nú verið fjarlægð. 

Á vef veðurstofunnar hafði stofnunin varað við norðan- og norðvestanvindhviðum um 13-18 metra á sekúndu, austan Öræfa og á Austfjörðum. Ekki var um litaða viðvörun að ræða. Þá sagði að viðvörunin gilti til miðnættis aðfaranætur þriðjudags.

Viðvörunin er ekki lengur sjáanleg á vef Veðurstofunar.

Samkvæmt veðurspá stofnunarinnar má á morgun búast við austlægri átt 8-15 og snjókomu á Suður- og Vesturlandi, en hægari norðlægari átt norðaustantil og lítilsháttar éljum. Hiti verði frá frostmarki við suðurströndina, niður í 12 stiga frost fyrir norðan.

Veður

Mest lesið


Fleiri fréttir

Sjá meira


×

Mest lesið