Viðreisn býður í fyrsta skipti fram á Akureyri

Jakob Bjarnar skrifar 26. febrúar 2026 11:32

Elías Gunnar skólast´jori og Lovísa Oktovía stjórnmálafræðingur leiða lista Viðreisnar á Akureyri. aðsend

Lovísa Oktovía leiðir lista Viðreisnar á Akureyri en þetta er í fyrsta skipti sem flokkurinn býður fram á Akureyri.

Félagsfundur Viðreisnar á Akureyri hefur staðfest tillögu uppstillinganefndar um röðun á lista fyrir komandi sveitarstjórnarkosningar. Lovísa Oktovía Eyvindsdóttir, stjórnmálafræðingur og varaþingmaður leiðir lista Viðreisnar. Í öðru sæti er Elías Gunnar Þorbjörnsson, skólastjóri Giljaskóla. Í þriðja sæti er Þóroddur Ingvarsson, svæfinga- og gjörgæslulæknir og í því fjórða er Elísabet Ögn Jóhannsdóttir, verkefnastjóri menningarmála hjá Akureyrarbæ.

Þetta kemur fram í tilkynningu frá Viðreisn en þar er vitnað í oddvitann sem segir að Viðreisn muni setja fókus á þjónustu við íbúa, með sérstaka áherslu á börn og skólamál.

„Við þurfum fjölbreyttari úrræði fyrir börn, bæði á skólatíma og utan. Það þarf líka að auka stuðning við okkar góða fagfólk sem vinnur með börnum. Hvað varðar samfélagið í heild, þá horfir Viðreisn á það að stíga inn í bæjarstjórn, í fyrsta sinn, með skýra sýn um hvernig Akureyri á að þróast,“ er haft eftir Lovísu.

Annars er listinn skipaður efirfarandi fólki:

1 Lovísa Oktovía Eyvindsdóttir, stjórnmálafræðingur og varaþingmaður

2 Elías Gunnar Þorbjörnsson, skólastjóri

3 Þóroddur Ingvarsson, svæfinga- og gjörgæslulæknir

4 Elísabet Ögn Jóhannsdóttir, verkefnastjóri menningarmála

5 Íunn Eir Gunnarsdóttir, tómstunda- og félagsmálafræðingur

6 Hjálmar Pálsson, sölumaður

7 Unnur Pétursdóttir, sjúkraþjálfari

8 Vilhjálmur Kristjánsson, framhaldsskólakennari

9 Halla Rut Ákadóttir, umönnun/aðstoðarmaður

10 Magnús Hilmar Felixson, deildarstjóri á leikskóla

11 Þórey Sif Þórisdóttir, flugmaður