Erlent

Mette boðar ó­vænt til kosninga

Atli Ísleifsson skrifar
Mette Frederiksen er forsætisráðherra Danmerkur.
Mette Frederiksen er forsætisráðherra Danmerkur. AP

Mette Frederiksen, forsætisráðherra Danmerkur hefur óvænt boðað til þingkosninga í Danmörku þriðjudaginn 24. mars næstkomandi. 

Frederiksen greindi frá þessu í ræðu á danska þinginu skömmu fyrir hádegi. „Nú er það undir kjósendum komið hvaða stefnu skuli setja,“ sagði Frederiksen í ræðustólnum. 

Frederiksen er formaður Jafnaðarmanna og hefur gegnt embætti forsætisráðherra Danmerkur frá árinu 2019. Jafnaðarmennn hafa setið í ríkisstjórn með Moderaterne, flokki Lars Lökke Rasmussen, utanríkisráðherra og fyrrverandi forsætisráðherra, og  Venstre.

Í ræðu sinni þakkaði hún jafnframt samstarfsfólki sínu í ríkisstjórn. „Ég meina það í fullri alvöru að við getum verið stolt af árangrinum,“ sagði  Frederiksen sem lauk svo máli sínu á því að óska öllum góðs gengis í kosningabaráttunni framundan. 

Þingkosningar í Danmörku eiga að fara fram á fjögurra ára fresti að lágmarki og getur forsætisráðherrann boðað til kosninga hvenær sem er, áður en sá frestur er liðinn. 

Danmörk Þingkosningar í Danmörku

Tengdar fréttir

Um þriðjungur Dana fær 50 þúsund króna „matartékka“ beint í vasann frá ríkinu

Dönsk stjórnvöld hafa komist að samkomulagi um beinan peningastyrk til barnafjölskyldna, lífeyrisþega, bótaþega og námsmanna sem ætlað er að mæta hækkandi matvöruverði í landinu. Um er að ræða skattfrjálsa einskiptisgreiðslu, svokallaðan „matartékka“, sem nemur tæpum 50 þúsund íslenskum krónum til einstaklinga sem uppfylla skilyrði til greiðslunnar, en tæpar 20 þúsund krónur til námsmanna. Þá standa yfir viðræður milli stjórnmálaflokka um lækkun virðisaukaskatts á matvöru.

Mest lesið


Fleiri fréttir

Sjá meira


×

Mest lesið