Al­var­leg mis­tök, dýrara í baðlónin og páskaveðrið

Aðgangseyrir að baðlónum hækkar líklega nái áform ríkisstjórnarinnar fram að ganga. Á sama tíma stendur til að leggja á innviðagjald við ferðamannastaði. Við ræðum við framkvæmdastjóra Samtaka ferðaþjónustunnar um gjaldahækkanir í greininni.

Doktor í sálfræði segir skorta rannsóknir um hvort aldurstakmörk fyrir notkun samfélagsmiðla skili árangri. Rétt sé að ráðast í slíkt áður en teknar eru ákvarðanir um boð eða bönn.

Enn fleiri veðurviðvaranir eru fram undan en hvernig verður staðan um páskana? Við leitum svara í kvöldfréttum.

Þá kynnum við okkur fljúgandi leigubíla, verðum í beinni frá Gallerý Port sem skellir brátt í las og sjáum krúttlega pöndutvíbura að leik. Í Sportpakkanum hittum við handboltamanninn Janus Daða sem gengur brátt í raðir spænska stórveldisins Barcelona.

Þetta og margt fleira á samtengdum rásum Sýnar, Vísis og Bylgjunnar klukkan 18:30.