Stjórn Kefla­víkur sendir frá sér yfir­lýsingu

Íþróttadeild Vísis hefur ítrekað reynt að ná tali af Herði Axel vegna málsins í dag en án árangurs. 

Greint var frá því í Körfuboltakvöldi í gær, eftir að Keflavík hafði tapað fyrsta leik sínum í úrslitakeppni Bónus deildarinnar í einvígi gegn KR, að Hörður Axel hefði verið á Tenerife degi fyrir leikinn mikilvæga. 

Sérfræðingar Körfuboltakvölds lýstu yfir undrun sinni á því að þjálfarinn væri ekki til taks í undirbúningi liðsins fyrir leikinn mikilvæga. 

„Þú ert að undirbúa þig fyrir úrslitakeppni en ert ekki einu sinni með liðinu þínu. Mér finnst þetta svo mikil vanvirðing,“ sagði Ólöf Helga Pálsdóttir, þáttastjórnandi Körfuboltakvölds um fjarveru Harðar Axels.

Nú hefur stjórn körfuknattleiksdeildar Keflavíkur sent frá sér yfirlýsingu vegna málsins þar sem segir að stjórninni hafi verið fullkunnugt, með löngum fyrirvara, um fjarveru þjálfarans síðustu þrjá daga fyrir leik gærdagsins gegn KR.

„Hún var með fullu samþykki okkar, tilkynnt okkur áður en samningar voru undirritaðir síðasta sumar og undirbúin með góðum fyrirvara,“ segir í yfirlýsingu Keflvíkinga sem má lesa í heild sinni hér fyrir neðan.