„Við héldum haus sem að við gerðum ekki í síðasta leik“

„Ég held að það sé bara tilfinningin, við þurftum bara að vinna þennan leik til þess að halda okkur á lífi og þetta var bara útkoman og ég er mjög ánægð með stelpurnar“ sagði Sara Rún Hinriksdóttir eftir sigurinn í kvöld.

Leikurinn byrjaði mjög jafn en Keflavík hljóp fljótt með leikinn.

„Við bara ákváðum að spila í fjörtíu mínútur, eitthvað sem við höfum ekki verið að gera í þessari seríu og spiluðum bara af krafti og komum svo með krafti inn í þriðja leikhluta og gerðum það sama í fjórða og bara hættum ekki“

„Það var kraftur í öllum sem að komu inn á og við vorum bara virkilega flottar í dag“

Þrátt fyrir stór sigurinn í kvöld var ekkert sem kom Keflavíkurliðinu á óvart í kvöld.

„Alls ekki, þetta er bara gríðarlega sterkt lið sem að við erum að keppa á móti. Þær eru vel þjálfaðar og í góðu prógrammi“

„Við bara héldum haus sem að við gerðum ekki til dæmis í síðasta leik. Ég er bara virkilega ánægð með liðið“

Úrslitin voru nánast ráðin í fjórða leikhluta en Keflavík steig þó aldrei af bensíngjöfinni.

„Já, maður hélt að þetta hafi verið komið í síðasta leik en það var ekki komið þannig maður getur alls ekki verið að stoppa á móti svona sterku liði þannig við héldum bara áfram“

Keflavík tryggði sér oddaleik á fimmtudaginn þar sem þær þurfa að mæta á Meistaravelli. Sara Rún var með ákall á stuðningsmenn Keflavíkur.

„Það var flott stemning í dag, flott mæting og ég ætla bara rétt að vona að þið mætið á fimmtudaginn og bara eins gott að þau láti sjá sig“ sagði brosandi Sara Rún Hinriksdóttir.