Verður Elvar liðsfélagi Hauks?

Sport Bild greinir frá því að Elvar Örn sé efstur á óskalista Ljónanna við Rín í ljósi yfirvofandi brotthvarfs Sebastian Heymann sem fer til Hannover-Burgdorf í sumar. Heymann hafði þegar samið um skiptin eftir að samningur hans klárast sumarið 2027 en forráðamenn félagsins gerðu Rhein-Neckar Löwen kauptilboð sem hefur verið samþykkt.

Heymann skiptir því um vettvang strax í sumar og Elvar Örn er sagður óska leikmaður í hans stað. Elvar Örn hefur verið í litlu hlutverki hjá Magdeburg og sagður opinn fyrir skiptunum.

Ljóst er að Löwen þyrfti að punga út fyrir skiptum strax í sumar, líkt og Hannover-Burgdorf gerði til að festa kaup á Heymann.

Fyrir er Haukur Þrastarson á mála hjá Rhein-Neckar Löwen og hefur verið lykilmaður hjá félaginu í vetur.

Löwen er í áttunda sæti deildarinnar með 31 stig eftir 29 leiki. Magdeburg er á toppi deildarinnar með 54 stig og virðist tímaspursmál hvenær liðið tryggir sér þýska meistaratitilinn.