„Tíma­bilið hefur verið rússibani“

„Það eru miklar tilfinningar í gangi þessa stundina. Við náðum að svara fyrir slæmt tap í síðasta leik og sýna okkar rétta andlit að þessu sinni. Það hefur margt gengið á í vetur í okkar leikmannahópi og eftir allan þann rússibana er það er mikill léttir að þetta sé í höfn,“ sagði Anton í samtali við Símann. 

„Ég er stoltur af leikmönnum mínum og einkum og sér í lagi þeim ungu sem áttu stór móment í þessum mikilvæga leik. Ég er þakklátur fyrir það tækifæri að taka við þessu magnaða liði. 

Ég tók við frábæru búi og er með stútfullt lið af mögnuðum íþróttamönnum. Ég er mjög glaður af hafa landað Íslandsmeistaratitli sem var klárlega markmiðið,“ sagði Anton einnig.