Þau komust á­fram í úr­slit Euro­vision

Fyrra undanúrslitakvöld Eurovision var í kvöld og stigu framlög fimmtán þjóða á svið í kvöld. Aðrar fimmtán þjóðir keppa næsta fimmtudag en það eru til dæmis Frakkar, Ástralir og Danir. Úrslitin eru síðan á laugardagskvöld.

Fimm þjóðir komust ekki áfram í úrslitin, Portúgal, Georgía, Svartfjallaland, Eistland og San Marínó. 

Fimm þjóðir taka ekki þátt

Ríkisútvarpið ákvað að Ísland myndi ekki taka þátt í Eurovision í ár til að mótmæla þátttöku Ísraela. Þátttaka þeirra hefur vakið deilur síðan stjórnvöld þar í landi hófu umfangsmikla hernaðaraðgerð á Gasa í október 2023. Írland, Holland, Slóvenía og Spánn sniðganga einnig viðburðinn.

Úrslitakvöldið verður sýnt á Rúv 2 vegna kosningavöku sveitarstjórnarkosninganna.