Rúm­lega þúsund strikuðu yfir Heiðu

Samkvæmt kosningalögum hefði vantað 113 útstrikanir í viðbót til að hún hefði fallið niður um sæti eða 0,88 prósentustig.

Andað hefur köldu á milli Heiðu Bjargar borgarstjóra og flokksins í aðdraganda sveitarstjórnarkosninganna. Hún laut í lægra haldi fyrir Pétri Marteinssyni í oddvitaslagnum en ákvað að taka annað sætið.

Síðan þá hefur hins vegar ýmislegt gengið á. Hún naut ekki mikils stuðnings borgarbúa sem borgarstjóri, hvort sem um jafnaðarfólk var að ræða eða kjósendur annarra flokka, ef marka má kannanir. Þegar fjallað var um athugasemdir starfsmanna borgarinnar við notkun hennar á innkaupakorti borgarstjóra vildi hún ekki svara því hvort hún teldi samherja hugsanlega reyna að koma höggi á hana. Sömuleiðis er kurr í grasrót flokksins sem er óánægð með meint framtaksleysi hennar í aðdraganda kosninganna. 

Samantekt um útstrikanir eða aðrar breytingar á framboðslista kjörinna aðalfulltrúa í borgarstjórn var birt á vef Reykjavíkurborgar í kvöld. Hún er þannig:

A-listi, Vinstrið

1. Sanna Magdalena Mörtudóttir - 10
2. Líf Magneudóttir -151

B-listi Framsóknarflokkurinn

1. Einar Þorsteinsson - 34

C-listi Viðreisn

1. Björg Magnúsdóttir - 62
2. Róbert Ragnarsson - 22

D-listi Sjálfstæðisflokkurinn

1. Hildur Björnsdóttir - 40
2. Bjarni Eggerts Guðjónsson - 143
3. Brynjar Níelsson - 368
4. Ragnhildur Alda Vilhjálmsdóttir - 28
5. Rúnar Freyr Gíslason - 147
6. Guðný María Jóhannsdóttir - 10
7. Albert Guðmundsson - 38
8. Bjarni Fritzson - 37
9. Sigrún Ásta Einarsdóttir - 10

M-listi Miðflokkurinn

1. Ari Edwald - 77
2. Kristín Kolbrún Kolbeinsdóttir - 15
3. Lárus Sigurðsson - 14

S-listi Samfylkingin - jafnaðarflokkur Íslands

1. Pétur Hafliði Marteinsson - 150
2. Heiða Björg Hilmisdóttir - 1.161
3. Steinunn Guðjónsdóttir - 27
4. Skúli Helgason - 197
5. Stein Olav Romslo - 21

Útstrikanir eða breytingar höfðu ekki áhrif á úthlutun sæta.