Innlent

„Auð­vitað stendur valda­klíkan saman“

Árni Sæberg skrifar
Margrét Friðriksdóttir í Héraðsdómi Reykjaness.
Margrét Friðriksdóttir í Héraðsdómi Reykjaness. Vísir/Lýður Valberg

Margrét Friðriksdóttir, sem var í morgun sakfelld fyrir meiðyrði í garð Barböru Björnsdóttur héraðsdómara, segir niðurstöðuna ekki hafa komið sér á óvart. „Auðvitað stendur valdaklíkan saman það er gömul saga og ný á Íslandi, en þessum óréttláta dómi verður að sjálfsögðu áfrýjað,“ segir hún.

Líkt og greint var frá í morgun var Margrét dæmd til að greiða 200 þúsund króna sekt í ríkissjóð vegna ummæla hennar um Barböru. Þess var ekki krafist að ummælin yrðu dæmd dauð og ómerk og þau standa því. Margrét kallaði Barböru meðal annars „lausláta mellu“.

Margrét hefur nú stungið niður penna á Facebook, þar sem hún tjáir sig um niðurstöðu dómsins. Hún segir Jónas Jóhannsson, dómara málsins, hafa dæmt sig ranglega og að greinilega sé bannað að segja sannleikann um alvarlegt brot á starfsskyldum og siðareglum dómara á Íslandi. Málið á rætur að rekja til staðhæfinga Margrétar um að Barbara hafi átt í framhjáhaldi með öðrum dómara.

„Ísland er dapurlegt land löðrandi af spillingu og óréttlæti, þetta mál mun enda fyrir mannréttindadómstólnum, það er engin spurning,“ segir Margrét að lokum.

Dómsmál Meiðyrðamál Margrétar Friðriksdóttur Tjáningarfrelsi

Tengdar fréttir

„Lauslát mella“ hafi verið mildasta lýsingin á dómaranum

Margrét Friðriksdóttir, sem sætir ákæru fyrir meiðyrði í garð Barböru Björnsdóttur héraðsdómara, segir Barböru hafa framið á henni réttarmorð, með því að sakfella hana fyrir hótunarbrot. Hún hafið reiðst vegna þess og því ritað færslu á Facebook, þar sem hún úthúðaði dómaranum. Hún kveðst hafa opnað orðabók í leit að mildasta orðinu til þess að lýsa Barböru. „Viðbjóðslegur dómur og lauslát mella gefur sinn dóm,“ sagði hún meðal annars.

Margrét átti lokaorðið í málinu og flutti Passíusálm

Endurtekinn málflutningur í meiðyrðamáli Margrétar Friðriksdóttur fór fram í morgun. Ákæruvaldið krefst þess að hún verði dæmd í þrjátíu daga fangelsi. Í lok þinghaldsins beindi Margrét orðum sínum að Barböru Björnsdóttur héraðsdómara og ítrekaði skoðun sína á henni, áður en hún flutti Passíusálm.

Málið verði flutt upp á nýtt með nýju vitni

Margrét Friðriksdóttir og verjandi hennar Hilmar Garðar Þorsteinsson hafa krafist þess að mál gegn henni vegna ummæla um héraðsdómara verði endurflutt. Dómsuppkvaðningu hefur ítrekað verið frestað umfram þann tímaramma sem lög gera ráð fyrir.

Margrét fær ekki að leiða dómaratríóið fyrir dóm

Héraðsdómur Reykjaness hefur hafnað kröfu Margrétar McArthur Friðriksdóttur um að fá að leiða dómarana Barböru Björnsdóttur, Símon Sigvaldason og Sigríði Hjaltested fyrir dóminn sem vitni í meiðyrðamáli lögreglunnar á hendur henni. Barbara og Símon höfðu áður gefið vitni en Margrét hélt því fram að Barbara hefði reynt að hafa áhrif á framburð Símonar. Þá vildi hún að Sigríður kæmi fyrir dóminn vegna ásakana Barböru um áralang einelti af hálfu Sigríðar.

Mest lesið


Fleiri fréttir

Sjá meira


×

Mest lesið