Lovísa og Arnór Snær best í Olís deildinni

Í Olís­deild karla var það Ágúst Þór Jóhanns­son, þjálfari Ís­lands­meistara Vals sem var valinn þjálfari ársins eftir að hafa stýrt Val til deildar­meistara- og Ís­lands­meistara­titils á sínu fyrsta tíma­bili með liðið. 

Arnór Snær Óskars­son, leik­maður liðsins, sankaði einnig að sér verð­launum. Valdimars­bikarinn, leik­maður tíma­bilsins og sóknar­maður tíma­bilsins. Jón Þórarinn Þor­steins­son var valinn besti mark­maður deildarinnar, Ingvar Dagur Gunnars­son besti varnar­maðurinn og Ómar Darri Sigur­geirs­son efni­legasti leik­maðurinn.

Í Olís­deild kvenna var Anton Rúnars­son hjá Val valinn þjálfari ársins eftir að hafa stýrt liði sínu til deildar­meistara-, bikar­meistara- og Ís­lands­meistara­titils. Lovísa Thomp­son hlaut tvær viður­kenningar og var valin bæði leik­maður tíma­bilsins og varnar­maður tíma­bilsins.

Sandra Er­lings­dóttir hlaut Sigríðar­bikarinn og var jafn­framt valin sóknar­maður tíma­bilsins. Haf­dís Renötu­dóttir var valin besti mark­maður deildarinnar og Arna Karítas Eiríks­dóttir efni­legasti leik­maðurinn.

Þá voru Anton Gylfi Páls­son og Jónas Elías­son valdir dómarapar tíma­bilsins fyrir framúr­skarandi störf sín á keppnistíma­bilinu.

Ás­dís Guð­munds­dóttir og Dagur Arnars­son voru svo verð­launuð fyrir fram­komu og heiðar­leika á velli og hlutu hátt­vísi­verð­laun að launum.