Siggi Raggi með NSÍ á toppnum

NSÍ er með þriggja stiga forskot á toppnum eftir þennan góða sigur, þremur stigum meira en KÍ Klaksvík og B36 Torshavn en öll liðin voru jöfn að stigum fyrir þessa þrettándu umferð. KÍ á leik inni og getur náð NSÍ að stigum.

NSÍ hefur unnið níu af þrettán leikjum sínum og aðeins tapað tveimur á fyrsta tímabili Sigurðar Ragnars með liðið.

Tobias Hestad og Michal Przybylski skoruðu tvö fyrstu mörkin á fyrstu átján mínútum leiksins en Alex Freyr Elísson lagði upp fyrra markið.

Viljormur Davidsen innsiglaði sigurinn á 66. mínútu en NSÍ var manni fleiri frá 37. mínútu þegar Heini Vatnsdal fékk sitt annað gula spjald.