Rauðar við­varanir í Bret­landi vegna hita

Rauðar veðurviðvaranir hafa verið gefnar út af bresku veðurstofunni fyrir miðvikudag og fimmtudag vegna hita en síðar í vikunni gæti hann náð fjörutíu stigum segir veðurstofan. 

Rauða viðvörunin nær til mið- og suðurhluta Englands, meðal annars höfuðborgarinnar London, og suðausturhluta Wales. Einnig eru gular viðvaranir í gildi víða á Englandi og í Wales. Búist er við truflunum á samgöngum og innviðum. 

Hitabylgja geisar nú í Evrópu og eru rauðar veðurviðvaranir í gildi á stórum svæðum vegna hita. Áhrif hitabylgjunnar hafa verið gríðarlega mikil í Frakklandi. Í suðausturhluta landsins fundust tvö börn, tveggja og fjögurra ára, látin í bifreið í gær.