Ís­lensku strákarnir í undan­úr­slit

Strákarnir okkar tryggðu sér sæti í átta liða úrslitum þrátt fyrir tap gegn Bosníu/Hersegóvínu í lokaleik riðlakeppninnar í gær. Þeir bættu vel upp fyrir tapið í dag og sýndu frábæra frammistöðu gegn sterkum Búlgurum í átta liða úrslitum.

Ísland var með yfirhöndina mest allan leikinn en þurfti að hafa mikið fyrir sigrinum. Búlgaría náði forystunni, í fyrsta sinn í leiknum, þegar um tvær mínútur voru eftir. Kristófer Björgvinsson tók sig þá til, skoraði tvö stig og skoraði síðan úr tveimur vítum til að tryggja sigurinn.

Lars Bragason fór annars fremstur í flokki Íslendinga og skoraði 27 stig. Auk þess greip miðherjinn 2 fráköst og gaf 1 stoðsendingu. Kristófer fylgdi honum eftir með 22 stig, auk 5 frákasta og 5 stoðsendinga.

Á morgun mæta strákarnir okkar Svíum í undanúrslitum. Efstu þrjú lið mótsins munu vinna sér inn sæti í A-deildinni.