Körfubolti

Strákarnir fengu silfur á EM

Ingvi Þór Sæmundsson skrifar
Íslenska U-20 árs landsliðið í körfubolta karla vann sig upp í A-deild Evrópumótsins.
Íslenska U-20 árs landsliðið í körfubolta karla vann sig upp í A-deild Evrópumótsins. kkí

Íslenska karlalandsliðið í körfubolta skipað leikmönnum tuttugu ára og yngri tapaði fyrir Úkraínu, 64-74, í úrslitaleik B-deildar Evrópumótsins í kvöld. Ísland var öruggt með sæti í A-deild eftir sigur á Svíþjóð í undanúrslitum í gær.

Úkraínumenn voru sterkari aðilinn í úrslitaleiknum í kvöld og leiddu nær allan tímann.

Sjö stigum munaði á liðunum í hálfleik, 27-34, en Ísland minnkaði muninn í fjögur stig, 46-50, fyrir lokaleikhlutann.

Þar reyndist Úkraína öflugri og landaði tíu stiga sigri, 64-74.

Ásmundur Múli Ármannsson skoraði sautján stig fyrir íslenska liðið í leiknum í kvöld og gaf sex stoðsendingar.

Magnús Dagur Svansson skoraði fjórtán stig, tók ellefu fráköst og varði þrjú skot. Viktor Jónas Lúðvíksson skoraði ellefu stig og tók sex fráköst.

Landslið karla í körfubolta

Mest lesið


Fleiri fréttir

Sjá meira


×

Mest lesið