Nokkrir handteknir vegna mannsláts

Jón Þór Stefánsson skrifar 9. ágúst 2026 20:49

Einn var handtekinn fljótlega eftir að alvarleg líkamsárás var framin í heimahúsi í Kópavogi í dag. Í kjölfarið voru nokkrir handteknir til viðbótar í aðgerðum lögreglu í austurhluta Reykjavíkur. Sá sem varð fyrir árásinni er látinn.

Þetta kemur fram í tilkynningu frá lögreglunni á höfuðborgarsvæðinu.

Þar segir að sá sem hafi fyrir árásinni hafi látist á Landspítalanum síðdegis.

Ertu með ábendingu eða veistu meira um málið? Sendu okkur fréttaskot hérna. Fullum trúnaði er heitið.

„Rannsókn málsins er í algjörum forgangi hjá embættinu, en ekki verða veittar frekari upplýsingar að svo stöddu,“ segir í tilkynningunni.

Samkvæmt heimildum fréttastofu sáu nágrannar til tveggja manna hlaupa frá húsinu þar sem atvikin áttu sér stað, þá líklega örskömmu eftir að meintur glæpur var framin.

Jafnframt hafi þeir heyrt hróp og köll.

Aðgerð við Gnoðavog

Líkt og áður segir handtók lögregla fleiri vegna málsins í austurhluta borgarinnar. Líklega tengist það í aðgerðum við íbúðarhúsnæði í verslunarkjarna við Gnoðavog um fimmleytið í dag.

Þar sáust minnst tveir menn leiddir út í járnum. Mikill viðbúnaður var á vettvangi. Að minnsta kosti sáust sex lögreglubílar þar. Þá voru lögreglumenn á vettvangi að leita í runnum og rusli.

Lögreglumál Kópavogur Reykjavík Manndráp í Vallargerði á Kársnesi

Tengdar fréttir

Rannsaka manndráp á Kársnesi

Lögreglan rannsakar manndráp sem mun hafa verið framið á Kársnesi í Kópavogi í dag.

9. ágúst 2026 18:00

Mikill viðbúnaður lögreglu í Vogunum

Mikill viðbúnaður lögreglu var við íbúðarhús sem er í verslunarkjarna við Gnoðarvog í Reykjavík um fimmleytið í dag, en þegar mest var voru minnst sex lögreglubílar á vettvangi. Þá voru að minnsta kosti tveir menn leiddir út í járnum.

9. ágúst 2026 17:32

Mest lesið

Fleiri fréttir