Mark 17 ára trölls, rassinn úti og bikar á loft

PSG komst yfir í leik gærkvöldsins þökk sé góðu marki georgíska galdramannsins Kvicha Kvaratskhelia. Aston Villa fékk nokkur færi í kjölfarið, og nýi framherjinn, 17 ára gamall tröllvaxinn Brian Madjo hafði fengið þrjú þeirra þegar hann kom boltanum í netið í lok fyrri hálfleiks.

Stuðningsmenn Aston Villa voru rennblautir af bjór er þeir fögnuðu í stúkunni og einn mátti sjá slá á beran bossann í fagnaðarlátunum.

PSG hafði þó betur þar sem Desiré Doué skoraði eina mark síðari hálfleiks. Markið var upprunalega dæmt af en eftir endurskoðun myndbandsdómara hafði Matty Cash mistekist hrapallega að vera í línu við félaga sína í vörninni og gerði hann réttstæðan.

PSG vann 2-1 og vinnur keppnina því annað árið í röð. Allt það helsta úr leiknum í lýsingu Guðmundar Benediktssonar má sjá í spilaranum.