Á­fall í undir­búningi Ís­lands fyrir HM

Þetta staðfestir landsliðsþjálfari Íslands, Snorri Steinn Guðjónsson í samtali við vefsíðuna Handkastið en leikirnir við Egyptaland áttu að fara fram hér heima þann 7. og 9. janúar á næsta ári, nokkrum dögum fyrir fyrsta leik Íslands á HM í Þýskalandi. 

Í stað þess að koma hingað til lands hafa Egyptar ákveðið að halda æfingamót í heimalandi sínu á sama tíma. 

Högg í undirbúningi Strákanna okkar sem verður að leysa með einhverjum hætti en eins og greint er frá í frétt Handkastsins getur reynst þrautinni þyngri að finna góða andstæðinga á þessum tímapunkti því vel flestar þátttökuþjóðir HM eru búnar að geirnegla sína daga fyrir mót. 

Ísland spilar í H-riðli á HM með Norður-Makedóníu, Barein og Japan í Magdeburg. Fyrsti leikur liðsins er gegn Barein þann 15.janúar næstkomandi.