Sex­tíu pró­sent segja nei sam­kvæmt fyrstu tölum í Suður­kjör­dæmi

Samkvæmt fyrstu tölum sögðu 5806 nei eða 59,81 prósent en 3901 já eða 40,19 prósent. Auðir seðlar og ógildir voru 43.

Um er að ræða fyrstu tölur en fyrr í dag var greint frá því að víða í kjördæminu væri yfir 80 prósent kjörsókn. Kjörfundi lauk á bilinu 18:00 til 20:00 í ýmsum minni kjördeildum í kjördæminu.

Eru þessar tölur í samræmi við þjóðarpúls Gallup sem birtur var í gær þar sem yfir 60 prósent aðspurðra í Suðurkjördæmi sögðust ætla að segja nei. 

Þá kom fram í máli Þóru Ásgeirsdóttur framkvæmdastjóra Maskínu í Bítinu í vikunni að líklega myndu fyrstu tölur sem birtar yrðu sýna fleiri nei þar sem kannanir sýndu að á landsbyggðinni ætluðu fleiri að segja nei.

Gert er ráð fyrir að lokatölur í kjördæminu verði birtar klukkan 04:00 í nótt.