Kastaði upp og í tárum eftir tapið

Djokovic hefur farið hrakandi síðustu misseri eftir að hafa verið einn allra besti tennisspilari heims. Hann átti í vandræðum líkamlega í leik við Mariano Navone frá Argentínu og þurfti meðal annars að kasta upp á meðan leiknum stóð.

Djokovic, sem hefur unnið 24 risatitla á felrinum, var fjórði í styrkleikaröðun fyrir mótið en féll úr leik í fyrsta leik eftir 7-6 (7-5) 5-7 4-6 6-2 6-1 tap.

Um er að ræða fyrsta tap Serbans í fyrstu umferð risamóts í 20 ár, síðan árið 2006.

„Ég held að það hafi verið augljóst að þetta var hræðileg tilfinning fyrir mig á vellinum,“ sagði Djokovic.

„Ég vil ekki gera of mikið úr sigri Mariano. Hamingjuóskir til hans, hann er fínn gaur og bardagamaður - en ég naut mín ekki.“