Arna og Fann­ey á­fram í Evrópubikarnum

Arna Eiríksdóttir, Fanney Eiríksdóttir og félagar í norska liðinu Vålerenga voru í góðri stöðu fyrir leik kvöldsins þegar liðið tók á móti ZNK Radomlje frá Slóveníu. Vålerenga vann fyrri leikinn 2-0 á útivelli og náði norska liðið að nýta sér forskotið vel.

Vålerenga endaði á að vinna 7-1 sigur í kvöld sem gerði samtals stöðu viðureignarinnar 9-1. Arna byrjaði leikinn en var tekin af velli í hálfleik. Fanney var allan leikinn á bekknum.

Svekkjandi fyrir Anderlecht

Anderlecht rétt datt úr keppni þegar liðið mætti Feyenoord frá Hollandi. Vigdís Lilja Kristjánsdóttir og Andrea Rut Bjarnadóttir eru báðar í liði Anderlecht.

Fyrri leikur viðureignarinnar var spilaður í Belgíu þar sem Anderlecht vann 2-1 gegn tíu leikmönnum Feyenoord. Anderlecht var því í fínni stöðu fyrir leikinn í kvöld en Feyenoord leyfði því ekki að endast lengi.

Feyenoord var komið í 2-0 eftir aðeins tíu mínútna leik og var því strax komið yfir í viðureigninni. Anderlecht þurfti að svara með því að sækja og jafnaði viðureignina 3-3 á 23. mínútu. Feyenoord náði þó aftur forystunni og var staðan í viðureigninni 4-3 fyrir Feyenoord þegar aðeins seinni hálfleikurinn var eftir.

Hvorugt liðið náði þó að bæta við öðru marki og er því Anderlecht úr leik á svekkjandi hátt eftir að hafa tapað viðureigninni 4-3.