Bills byrjuðu með látum og Birnirnir fengu vel að borða

Stórleikur gærdagsins var á milli Houston Texans og Buffalo Bills. Báðum liðum spáð góðu gengi. Leikurinn var frábær skemmtun þar sem liðin skiptust á að leiða. Að lokum var það Bills sem kláraði leikinn og setti 36 stig í andlitið á besta varnarliði deildarinnar.

Chicago Bears er lið sem margir eru spenntir fyrir og ekki að ástæðulausu. Sóknarleikur liðsins var stórkostlegur í gær enda skoraði liðið hvorki fleiri né færri en 59 stig gegn spræku liði Panthers. Verður áhugavert að sjá hvernig Birnirnir fylgja þessu eftir.

Cincinnati Bengals fór vel af stað gegn Bucs og margir spyrja sig að því hvort loksins sé komið að því að liðið geri atlögu að Super Bowl á ný. Í það minnsta var vörnin frábær hjá þeim sem lofar góðu.