Þórir Jóhann kallaður inn í lands­liðið

Frá þessu greinir KSÍ í færslu á samfélagsmiðlum nú rétt í þessu en eins og Vísir greindi frá í morgun verður Albert ekki meira með í yfirstandandi verkefni eftir að hafa farið úr axlarlið í jafnteflinu gegn Eistlandi í gær.

Þórir Jóhann kemur inn en hann á 20 A-landsleiki að baki og hefur í þeim leikjum skorað tvö mörk. Hann gekk í raðir Venezia á Ítalíu í sumar frá Lecce og hefur komið við sögu í þremur leikjum á yfirstandandi tímabili.

Íslenska landsliðið heldur út til Lúxemborgar seinna í dag þar sem liðið mun mæta heimamönnum í öðrum leik sínum í C-deild Þjóðadeildarinnar á þriðjudaginn kemur. 

Því næst tekur liðið á móti Búlgaríu hér heima á laugardaginn í næstu viku áður en verkefninu lýkur á útileik gegn Eistlandi þriðjudaginn 6. september.