Hefja formlegar viðræður um myndun nýs meirihluta

Atli Ísleifsson skrifar 8. október 2026 12:55

Svavar Grétarsson frá S-lista og Anton Guðmundsson frá B-lista segja viðræðurnar um myndun nýs meirihluta ganga vel.

Samfylking og óháðir og Framsókn og óháðir í Suðurnesjabæ hafa ákveðið að hefja formlegar viðræður um meirihlutasamstarf í bæjarstjórn Suðurnesjabæjar. Leitast verður eftir því að Alexandra Jóhannesdóttir muni áfram starfa sem sveitarstjóri en hún tók við stöðunni í sumar.

Þetta kemur fram í sameiginlegri tilkynningu sem flokksfélögin sendu frá sér í morgun.

Fyrr í mánuðinum var greint frá því að meirihluti Samfylkingar og Sjálfstæðisflokks sem myndaður var eftir kosningar í vor væri sprunginn. Mátti rekja það til ágreinings um staðsetningu íþróttavalla í sveitarfélaginu, sem samanstendur af tveimur bæjum, Garði og Sandgerði.

Í tilkynningunni sem birt var í morgun segir að oddvitar flokkanna – þeir Svavar Grétarsson frá S-lista og Anton Guðmundsson frá B-lista – segi viðræðurnar ganga vel og að ekki sé málefnalegur ágreiningur á milli framboðanna tveggja.

„Bæði framboð vinna að því að byggja upp sterkt og öflugt samfélag í Suðurnesjabæ. Munu framboðin leitast eftir því að Alexandra Jóhannesdóttir muni starfa áfram sem bæjarstjóri Suðurnesjabæjar enda um öflugan einstakling þar að ræða.

Ef viðræður ganga áfram vel má eiga von á að skrifað verði undir málefnasamning um komandi helgi. Ekki verða veittar frekari upplýsingar að svo stöddu,“ segir í tilkynningunni.

Suðurnesjabær Framsóknarflokkurinn Samfylkingin

Tengdar fréttir

Meirihlutinn sprakk aftur vegna vallarmála

Sjálfstæðismenn og óháðir harma að meirihlutasamstarfi við Samfylkinguna sé lokið og segja það áhyggjuefni að bæjarstjórn Suðurnesjabæjar springi í annað sinn vegna vinnslu á vallarmálum.

5. október 2026 15:26

Meirihlutinn sprakk aftur vegna vallarmála

5. október 2026 15:26

Trúnaðarbrestur milli flokka og innan flokks

Trúnaðarbresturinn sem Samfylkingin og óháðir töldu svo alvarlegan að slíta þyrfti meirihlutasamstarfi við Sjálfstæðisflokkinn í Suðurnesjabæ snýr samkvæmt heimildum fréttastofu að tilraun bæjarfulltrúa Sjálfstæðisflokksins til að mynda nýjan meirihluta með Framsóknarflokknum og Miðflokki. Tilraunin var þó ekki gerð af oddvita flokksins heldur þeim sem situr í öðru sæti.

5. október 2026 13:47