Radd­laus eftir krafta­verk: Sáum Grims­by slá út Man. Utd og vildum gera eins

„Ég er búinn að missa röddina við að stjórna vörninni, en allt liðið var stórkostlegt allan leikinn. Að vinna Englandsmeistarana í vítaspyrnukeppni – þessir strákar eiga allir hrós skilið,“ sagði Jay Lynch, markvörður Fleetwood, sem varði spyrnu Bruno Guimaraes í vítaspyrnukeppninni. Liðsfélagar hans nýttu allar sínar spyrnur með glæsibrag.

„Við horfðum til þess þegar Grimsby vann Man. Utd í fyrra. Við bárum það saman, þótt þetta séu meistararnir. Við hugsuðum: „Ef við leggjum allt í þetta, sjáum hvað gerist.““

Þetta var dæmigert kvöld í Fleetwood. Við áttum von á stormi, við vissum að aðstæðurnar yrðu hræðilegar, svo við héldum að það gæti unnið með okkur. Þetta er frábært fyrir félagið og bæinn. Í alvöru talað, þetta skiptir alla öllu máli,“ sagði Lynch sigurreifur.

Arsenal var með hálfgert varalið í kvöld en þó léku helstu framherjar liðsins, Kai Havertz og Viktor Gyökeres, allan leikinn og stjörnunum fjölgaði í seinni hálfleik. Gyökeres skoraði eina mark liðsins en alls átti Arsenal 19 skot sem ekki hæfðu markrammann, gegn liði sem er neðarlega í D-deildinni.

Conor Haughey skoraði af miklu öryggi úr síðustu vítaspyrnu Fleetwood og var spurður hvað hefði farið í gegnum hugann fyrir spyrnuna:

„Ég veit það ekki – bara velja staðinn og setja hann inn! Upp í hornið og svo bara hlaupa.

Við vorum að vinna meistarana í ensku úrvalsdeildinni, það sýnir bara hversu gott þetta lið er,“ sagði Haughey.