Verði stjórnað af „róttækustu og öfgafyllstu vinstrimönnum bandarískrar sögu“

Atli Ísleifsson skrifar 4. nóvember 2026 14:04

Mike Johnson hefur gegnt embætti forseta fulltrúadeildar Bandaríkjaþings frá árinu 2023. AP

Repúblikaninn Mike Johnson, forseti fulltrúadeildar Bandaríkjaþings og einn helsti leiðtogi Repúblikanaflokksins, segir að úrslit bandarísku þingkosninganna séu ekki þau sem flokkurinn hafði vonast eftir. Hann segir að fulltrúadeildinni verði nú stjórnað af „róttækustu og öfgafyllstu vinstrimönnum bandarískrar sögu“.

Þetta segir Johnson í færslu á X. Demókratar unnu mikinn sigur í þingkosningunum í gær. Þó að enn eigi eftir að telja öll atkvæði og endanleg úrslit liggi ekki fyrir þá er ljóst að Demókratar hafa náð meirihluta í báðum deildum Bandaríkjaþings. Þegar þetta er ritað hafa Demókratar tryggt sér 228 þingsæti í fulltrúadeildinni og Repúblikanar 139. 218 þingmenn þarf til að ná meirihluta.

Í öldungadeildinni hafa Demókratar tryggt sér 54 sæti og Repúblikanar 44, en niðurstöður liggja ekki fyrir þegar kemur að tveimur þingsætum. Í öldungadeildinni þarf 51 þingmann til að vera með meirihluta.

Demókratar: 0

Repúblikanar: 0

*Skv. New York Times

Johnson, sem hefur gegnt embætti forseta fulltrúadeildar Bandaríkjaþings frá árinu 2023 og náði sjálfur endurkjöri sem þingmaður Louisiana, segir að Demókratar megi reikna með harðri mótspyrnu í fulltrúadeildinni á komandi misserum. „Ný barátta hefst núna,“ skrifar Johnson á X.

Johnson segir að meirihluti Demókrata í fulltrúadeildinni verði undir forystu einhverra róttækustu vinstrisinnuðustu stjórnmálamanna í sögu Bandaríkjanna. Hann segist jafnframt staðráðinn í að halda áfram baráttunni fyrir stefnumiðum flokksins undir slagorðinu „Make America Great Again“.

Thank you to the great people of Louisiana's 4th District for entrusting us with another term tonight! We are so grateful for your support, and I will never stop fighting for our community, state, or nation. Over the past two years, House Republicans have worked alongside President Donald Trump to deliver massive wins for the American people, including secured borders, permanently lower taxes, and safer streets. We left it all on the field in this midterm to continue building on those accomplishments. However, the American people have made the same decision that has been made in all but two midterms in the last century. Throughout this campaign, we knew we would have to defy history to keep the House majority. However, my optimism has been driven by the grassroots energy I witnessed firsthand from coast to coast and everywhere in between. From diners to small businesses, farms to warehouses, and at 490 events across 36 states this cycle, I spoke with hard-working Americans who believe in our vision and have benefitted greatly from our policies and fulfilled promises. While the outcome of this midterm is not what we’d hoped and fought for, a new battle is just beginning. This Democrat House majority will be led by the most radical and extreme leftists in American history. However, Republicans will never stop fighting to defend the Constitution and protect the foundations that have made America the greatest nation in the history of the world. We will continue pressing forward with our agenda of common sense, and our vision to make America great again—and come 2028, we WILL take back the House and we will finish the job.
— Mike Johnson (@MikeJohnson) November 4, 2026

Bandaríkin Þingkosningar í Bandaríkjunum Donald Trump

Tengdar fréttir

Trump hafi nú engu að tapa

Prófessor í stjórnmálafræði segir niðurstöður þingkosninganna í Bandaríkjunum frekar afhroð Repúblikana í stað sigurs Demókrata. Ákveðið frost gæti verið fram undan á þinginu. Bandaríkjaforseti hafi nú engu að tapa.

4. nóvember 2026 09:25

Tók reiðiskast í beinni og snerist gegn bandamönnum sínum

Donald Trump Bandaríkjaforseti lét gamminn geisa á samfélagsmiðli sínum um það leyti sem kosninganiðurstöður og spár fóru að birtast í gær. Ríkisstjórn hans hefur verið sökuð um að reyna að grafa undan trúverðugleika kosninganna en forsetinn segist nú ætla að viðurkenna niðurstöðuna sem hefur verið lýst sem algerum ósigri.

4. nóvember 2026 07:40

Draumur Demókrata að rætast

Demókrataflokkurinn er sagður hafa tryggt sér meirihluta í báðum deildum bandaríska þingsins eftir kosningar sem margir álíta dóm á störf Donalds Trump forseta. Dæmi eru um að fulltrúar Demókrata hafi náð markverðum árangri í mörgum höfuðvígum Repúblikanaflokksins.

4. nóvember 2026 04:48

Mest lesið

Fleiri fréttir