Í bítið - Stofnfrumur á mannamáli
Tómas Guðbjartsson, prófessor við læknadeild Magnús Karl Magnússon prófessor við læknadeild tala hér um stofnfrumur. Háskóli Íslands stendur fyrir tveimur málþingum í Hátíðasal Aðalbyggingar laugardaginn 9. júní í tilefni þess að eitt ár er liðið frá því að plastbarki baðaður stofnfrumum var í fyrsta sinn græddur í mann. Aðalstjórnandi skurðaðgerðarinnar, Paolo Macchiarini, prófessor við Karolinska Institutet í Stokkhólmi, er meðal ræðumanna á fyrra málþinginu. Aðgerðin sem um ræðir vakti heimsathygli og var fjallað um hana í stærstu fjölmiðlum heims. Þáttur Háskóla Íslands og Landspítalans í aðgerðinni var allnokkur því Tómas Guðbjartsson, prófessor við Læknadeild Háskóla Íslands og yfirlæknir á Landspítalanum, framkvæmdi aðgerðina í samstarfi við Macchiarini og samstarfsmenn hans. Enn fremur var sjúklingurinn, Erítreubúinn Andemariam T. Beyene, á þeim tíma nemandi við Háskóla Íslands en hann lauk meistaragráðu í jarðeðlisfræði í febrúar síðastliðnum.
