Viðskipti
Straumur hækkaði mest í dag
Gengi hlutabréfa í Straumi hækkaði um fjögur prósent í Kauphöllinni í dag og er það mesta hækkun dagsins. Mesta lækkunin var á gengi bréfa í Teymi, sem féll um 17,65 prósent.
DeCode yfir hálfum dal á hlut
Gengi hlutabréfa í DeCode, móðurfélagi Íslenskrar erfðagreiningar, hefur hækkað um 14,8 prósent frá því viðskipti hófust á Nasdaq-markaðnum í Bandaríkjunum í dag og er það nú komið í 55 sent á hlut.
Bjartsýni eftir nýjustu kaup Buffetts
Bandarískur hlutabréfamarkaður opnaði í plús í dag. Erlendir fjölmiðlar segja tilkynningu Goldman Sachs um kaup Berkshire Hathaway, fjárfestingafélagsins sem bandaríski auðjöfurinn Warren Buffett hefur stýrt með glans í rúm fjörutíu ár, skýra hækkunina að langmestu leyti.
Þingmenn efast um björgunaraðgerðirnar
Gengi hlutabréfa lækkaði almennt á bandarískum hlutabréfamarkaði í dag en fjárfestar þykja sjá vísbendingar þess efnis að björgunaraðgerðir bandarískra stjórnvalda til að sveigja framhjá samdráttarskeiði vestanhafs muni ekki hljóta brautargengi hjá bandarískum þingheimi.
Krónan féll um þrjú prósent - aldrei veikari
Gengi krónunnar féll um þrjú prósent í dag og fór gengisvísitalan í hæstu hæðir. Gjalddagar krónubréfa á næstu tveimur mánuðum kunna að skýra fallið, sem hleypur á sex prósentum síðastliðna tvo viðskiptadaga, segir Þorbjörn Atli Sveinsson, sérfræðingur hjá greiningardeild Kaupþings.
Færeyjabanki hækkaði mest í dag
Gengi hlutabréfa í Færeyjabanka hækkaði um 0,59 prósent í dag en í Straumi um 0,35 prósent. Þetta er eina hækkun dagsins í Kauphöllinni í dag sem var að mestu í rauðum lit lækkunar líkt og á erlendum hlutabréfamörkuðum.
Paulson og Bernanke: Nauðsynlegt að grípa til aðgerða
„Björgunaraðgerðir stjórnvalda munu kosta bandaríska skattgreiðendur mun minna en eftir ekkert hefði verið gert,“ sagði Henry Paulson, fjármálaráðherra í þingvitnaleiðslu fyrir bankamálanefnd bandaríska þingsins í dag. Þar gerði hann grein fyrir verðfalli á fjármálamörkuðum og þrengingum á fasteignamarkaði vestra ásamt Ben Bernanke, seðlabankastjóra landsins og Christopher Cox, forstjóra bandaríska fjármálaeftirlitsins.
Krónan fellur um rúm þrjú prósent
Gengi íslensku krónunnar hefur fallið um 3,39 prósent á gjaldeyrismarkaði í dag og stendur gengisvísitalan í 182 stigum. Krónan hefur aldrei í íslenskri sögu verið veikari en í dag.
Dregur úr atvinnuleysi í Póllandi
Atvinnuleysi í Póllandi mældist 9,3 prósent í síðasta mánuði og hefur því dregist saman um 0,1 prósent á milli mánaða, samkvæmt upplýsingum pólsku hagstofunnar.
Kaupþing niður í Svíþjóð
Gengi hlutabréfa í Kaupþingi, sem skráð eru á markað í Stokkhólmi í Svíþjóð, hefur lækkað um 0,47 prósent í dag. Fall á bandarískum hlutabréfamarkaði í gær smitaði út frá sér um allan heim í dag.
Mikill skellur á Wall Street
Helstu hlutabréfavísitölur féllu verulega á bandarískum hlutabréfamarkaði í dag. Skellurinn skýrist af hagnaðartöku fjárfesta eftir mikla hækkun vestanhafs á föstudag auk þess sem þeir festu fjármuni sína í tryggu skjóli, svo sem í gulli, olíu og annarri hrávöru.
Hávaxtamyntir fengu skell
Fátt liggur fyrir um skell krónunnar í dag annað en hugsanlegt fall hávaxtamynta. Seðlabankinn segir fáar skýringar á fallinu en Glitnir segir hávaxtamyntir hafa fengið skell.
Krónan tók sveig niður
Krónan veiktist um 2,7 prósent á síðustu tveimur klukkustundum viðskiptadagsins í dag eftir styrkingu framanaf. Gengisvísitalan, sem hafði legið framanaf undir 169 stigum fór í 176,6 stig síðla dags.
Atlantic Petroleum leiddi hækkanahrinu dagsins
Gengi hlutabréfa í færeyska olíuleitarfélaginu Atlantic Petroleum rauk upp um 11,26 prósent í Kauphöllinni í dag. Exista hækkaði um 7,6 prósent og gengi viðskiptabankanna um 4,6 til 3,22 prósent. Mest hækkaði gengi bréfa í Glitni en minnst í Kaupþingi.
Enn hækkar DeCode
Gengi hlutabréfa í DeCode hækkaði um tæp 25 prósent í fyrstu viðskiptum dagsins á Nasdaq-markaðnum í Bandaríkjunum í dag. Það þarf að hækka um 89 prósent til að komast í einn dal á hlut.
Japanir taka Asíuhluta Lehmans
Japanska fjármálafyrirtækið Nomura Holdings hefur skrifað undir samkomulag um kaup á dótturfyrirtækjum og starfsemi bandaríska fjárfestingabankans Lehman Brothers í Asíu. Starfsemi fyrirtækisins í Suður-Kóreu er þar undanskilin, að sögn breska viðskiptablaðsins Financial Times.
Exista rýkur upp annan daginn í röð
Gengi hlutabréfa í Existu rauk upp um 9,42 prósent í fyrstu viðskiptum dagsins í Kauphöllinni í morgun. Á eftir fylgir gengi bréfa í færeyska olíuleitarfélaginu Atlantic Petroleum, sem hefur hækkað um 8,28 prósent og Kaupþingi, sem hefur hækkað um 3,64 prósent. Þá hefur gengi Glitnis hækkað um 3,35 prósent og Spron um 3,3 prósent.
Sveiflur á alþjóðlegum hlutabréfamörkuðum
Sveiflur hafa verið á alþjóðlegum hlutabréfamörkuðum í dag eftir mikla uppsveiflu á föstudag í kjölfar viðamikilla aðgerða bandarískra stjórnvalda til að koma í veg fyrir áframhaldandi hremmingar á mörkuðum.
Krónan styrkist hratt
Gengi krónunnar hefur styrkst um 1,1 prósent og liggur gengisvísitalan við 170 stigin. Bandaríkjadalur kostar nú 89,3 krónur en hann hefur staðið í rúmum 90 krónum í tæpan hálfan mánuð.
Mikil hækkun á Wall Street
Fjárfestar í Bandaríkjunum tóku fagnandi stórtækum björgunaraðgerðum bandaríska ríkisins sem tilkynntar voru í dag og felast í því að sérstakur sjóður verði settur á laggirnar sem tekur við öllum - eða velflestum - eignum bandarískra banka og fjármálafyrirtækja sem eru orðnar næsta verðlausar og illseljanlegar eftir fall á bandarískum fasteignalánamarkaði.
Exista hækkaði um 17,3%
Exista toppaði mikla hækkanahrinu í Kauphöllinni í dag með hækkun upp á 17,3 prósent. Gengi bréfa í Spron hækkaði um 10 prósent, Færeyjabanka um 8,8 prósent en í Atlantic Petroleum og Atorku um sex prósent. Þá hækkaði gengi bréfa í Glitni um 5,44 prósent og í Bakkavör um 5,33 prósent.
„Nauðsynlegar aðgerðir,“ segir Bush
„Þær stundir hafa komið upp í bandarískri sögu að nauðsynlegt hefur verið að grípa til aðgerða. Sú stund er runnin upp,“ sagði George W. Bush, forseti Bandaríkjanna, á blaðamannafundi fyrir utan Hvíta húsið í Washington í Bandaríkjunum fyrir stundu að loknum fundi með Henry Paulson, fjármálaráðherra landsins, Christopher Cox, forstjóra Fjármálaeftirlitsins, og fleirum.
DeCode stígur upp af botninum
Gengi hlutabréfa í DeCode, móðurfélagi Íslenskrar erfðagreiningar, hækkaði um 17,5 prósent í upphafi viðskiptadagsins á Nasdaq-markaðnum í dag og er það komið úr lægsta gengi.
Fjármálafyrirtækin rjúka upp á Wall Street
Gengi hlutabréfa í hálfopinberu fasteignalánasjóðunum Fannie Me og Freddie Mac sem enn eru í eigu almennra fjárfesta ruku upp um tæp hundrað prósent við upphaf viðskipta á bandarískum hlutabréfamarkaði í dag.
Hlutabréf hækka og krónan styrkist
Gengi hlutabréfa í Existu hefur hækkað um 13,5 prósent frá í morgun, langmest félaga í Kauphöllinni í dag. Gengi krónunnar hefur styrkst um 1,9 prósent á sama tíma.
Olíuverð stendur í 100 dölum á tunnu
Heimsmarkaðsverð á hráolíu hækkað lítillega í dag og stendur nú í 100 dölum á tunnu.
Evrópskir seðlabankar dæla fé inn á markaði
Seðlabankar á meginlandi Evrópu ákváðu í dag að veita rúmum 60 milljörðum evra, jafnvirði um 8.400 milljarða íslenskra króna, inn í fjármálakerfið til að hífa upp væntingar, blása lífi í millibankalánamarkaðinn og koma í veg fyrir frekari hremmingar á mörkuðum.
Exista rauk upp um 14,4 prósent
Gengi hlutabréfa í Existu rauk upp um rúm 14,4 prósent í mikilli uppsveiflu í Kauphöllinni í byrjun dags. Gengi flestra annarra fjármálafyrirtækja hefur rokið upp um allt að 6,5 prósent.
Krónan styrkist í byrjun dags
Gengi krónunnar hefur styrkst um 1,6 prósent í dag og stendur gengisvísitalan í 173 stigum. Krónan hefur veikst sex daga í röð með einstaka styrkingu innan dags.
Kaupþing hækkar um 8% í Svíþjóð
Gengi hlutabréfa í Kaupþingi, sem skráð eru í kauphöllina í Svíþjóð, hefur hækkað um tæp átta prósent í dag. Gengi bréfa í Storebrand og Sampo, sem Kaupþing og Exista eiga stóra hluti í, hefur hækkað um tæp tíu prósent. Þetta er í takti við mikla jákvæðni á erlendum hlutabréfamörkuðum eftir fulltrúar Bandaríkjaþings, fjármálaráðherra landsins og seðlabankastjóra, ákváðu í gær að að stofna sérstakan sjóð til að kaupa undirmálslán af bankakerfinu.
