Erlendar

Chelsea í 61 stig

Chelsea heldur áfram magnaðri sigurgöngu sinni í ensku úrvalsdeildinni í knattspyrnu og vann sigur á botnliði Sunderland nú síðdegis, 1-2 á útivelli. Eiður Smári Guðjohnsen lék allan leikinn í liði Chelsea en þetta var han 250. leikur fyrir félagið.

Sport 15.1.2006 18:00

Juventus slær 56 ára stigamet

Alessandro Del Piero skoraði sigurmark Juventus sem vann Reggina, 1-0 í ítalska fótboltanum í dag en með sigrinum sló liðið 56 ára gamalt stigamet nú þegar deildin er hálfnuð. Juve er með 52 stig, tíu stiga forskot á Inter Milan sem lagði Cagliari 3-2 með tveimur mörkum frá brasilíska sóknarmanninum Adriano.

Sport 15.1.2006 17:08

Eiður í byrjunarliðinu

Eiður Smári Guðjohnsen er í byrjunarliði Chelsea sem mætir Sunderland á útivelli í ensku úrvalsdeildinni nú kl. 16. Leikurinn í dag markar tímamót fyrir Eið en þetta er 250. leikur hans fyrir félagið.

Sport 15.1.2006 15:53

W.B.A. upp í 16. sætið

WBA vann mikilvægan sigur á Wigan á útivelli í ensku úrvalsdeildinni í knattspyrnu í dag, 1-0 og lyfti sér upp í 16. sæti deildarinnar. Martin Albrechtsen skoraði sigurmarkið á 56. mínútu og var sigurinn einkar frækinn þar sem gestirnir léku manni færri frá 43. mínútu þegar Darren Moore fékk að líta rauða spjaldið.

Sport 15.1.2006 15:49

Frakki fór með sigur af hólmi

Frakkinn Luc Alphand fór með sigur af hólmi í París-Dakar-rallýinu sem lauk í Senegal í morgun. Alphand ók á Mitsubishi Prototype og var forysta hans 17.53 mínútur á Suður-Afríkumanninn Giniel de Villiers og Tina Thörner frá Svíþjóð sem urðu í 2. sæti en þau óku á Volkswagen Touareg.

Sport 15.1.2006 15:12

Dómarinn leggur okkur í einelti

Sam Allardyce, knattspyrnustjóri Bolton stendur í þeirri meiningu að Mike Riley dómari leggi leikmenn sína í einelti á knattspyrnuvellinum. Hann fékk enn eina ferðina að á ósanngjarnri dómagæslu hans í gærkvöldi að eigin mati. Bolton náði þá stigi á útivelli gegn Blackburn í markalausum leik liðanna þar sem lið Bolton lék manni færri í um klukkutíma.

Sport 15.1.2006 14:29

James með 46 stig í tapleik Cleveland

Hinn tvítugi LeBron James skoraði 46 stig fyrir Cleveland Caveliers í NBA-deildinni í körfubolta í nótt en þrátt fyrir það tapaði Cleveland fyrir Phoenix, 115-106. Þá skoraði Kobe Bryant 38 stig fyrir Los Angeles Lakers sem unnu Golden State Warriors 110-104.

Sport 15.1.2006 16:48

Rooney og Ferguson misstu stjórn á sér

Sir Alex Ferguson knattspyrnustjóri Manchester United og sóknarmaður liðsins, Wayne Rooney misstu stjórn á skapi sínu í hálfleik í 3-1 tapleiknum gegn Man City í ensku úrvalsdeildinni í dag. Tvímenningarnir helltu úr skálum reiði sinnar á leið til búningsherbergja yfir dómarann Steve Bennett sem átti slæman dag með flautuna.

Sport 14.1.2006 17:30

Sjö marka sigur Arsenal

iverpool vann 1-0 sigur á Tottenham í ensku úrvalseildinni í knattspyrnu nú síðdegis og saxaði á forskot Man Utd niður í eitt stig. Arsenal var þó í aðalhlutverki á Englandi í dag en liðið tók Middlesborough í bakaríið, 7-0 þar sem Thierry Henry skoraði þrennu. Heiðar Helguson lék allan leikinn með Fulham sem lagði Newcastle 1-0, sömuleiðis Hermann Hreiðarsson í liði Charlton sem lagði Birmingham 2-0.

Sport 14.1.2006 17:06

Enn eitt banaslysið

Banaslys einkenna París-Dakar rallýið sem lýkur á morgun en í dag lést 12 ára drengur sem varð fyrir aðstoðarbíl. Atvikið átti sér stað á milli senegölsku borganna Tambacounda og Dakar á fjórtándu sérleiðinni en bíllinn ók eftir sérstökum vegi fyrir aðstoðarökutæki.

Sport 14.1.2006 16:28

19 ára miðjumaður til Arsenal

Arsenal hefur fest kaup á 19 ára gömlum frönskum miðjumanni, Vasiriki Abou Diaby fyrir að talið er vera um 2 milljónir punda. Diaby var fyrirliði U19 ára landsliðs Frakka sem varð Evrópumeistari síðasta sumar en hann kemur úr yngri flokkum franska liðsins Auxerre.

Sport 14.1.2006 15:50

Aðeins tveir Íslendingar með í dag

Ívar Ingimarsson og Brynjar Björn Gunnarsson eru báðir í byrjunarliði Reading sem nú leikur við Coventry í ensku 1. deildinni í knattspyrnu. Jóhannes Karl Guðjónsson er í leikbanni hjá Leicester sem er 0-1 yfir á útivelli gegn Sheffield Wednesday.

Sport 14.1.2006 15:37

Eiður baunar á Sir Alex

Eiður Smári Guðjohnsen tekur upp hanskann fyrir knattspyrnustjórann sinn Jose Mourinho í viðtali við Sky Sports fréttavefinn í dag og segir stjóra sinn stórlega vanmetinn. Eiður pundar meðal annars á Alex Ferguson, stjóra Man Utd, sem einnig hefur spreðað ófáum milljónum en ekki í réttu leikmennina.

Sport 14.1.2006 15:21

City lagði 10 manna lið Man Utd

Manchester City lagði granna sína í Man Utd 3-1 í fyrsta leik dagsins í ensku úrvalsdeildinni í knattpsyrnu í dag. Trevor Sinclair, Darius Vassel og Robbie Fowler skoruðu mörk heimamanna. Ruud van Nistelrooy skoraði mark gestanna þegar hann minnkaði muninn í 2-1.

Sport 14.1.2006 14:45

Man City 2-0 yfir gegn Man Utd

Manchester City er 2-0 yfir í hálfleik á heimavelli sínum gegn grönnunum í Man Utd í ensku úrvalsdeildinni í knattspyrnu. Trevor Sinclair skoraði fyrra markið á 32. mínútu en Darius Vassel hið síðara á 39. mínútu.

Sport 14.1.2006 13:39

Evra í byrjunarliði Man Utd

Franski varnarmaðurinn Patrice Evra er í byrjunarliði Manchester United sem nú mætir nágrönnum sínum í Man City í ensku úrvalsdeildinni í knattspyrnu en leikurinn hófst í hádeginu. Trevor Sinclair skoraði fyrir heimamenn á 32. mínútu og er staðan 1-0 fyrir Man City.

Sport 14.1.2006 13:23

Indiana - Washington í beinni

Leikur Indiana Pacers og Washington Wizards verður sýndur í beinni útsendingu á NBA TV á Digital Ísland í kvöld og hefst klukkan tólf á miðnætti. Indiana hefur unnið 19 leiki og tapað 14, en Washington hefur unnið 14 og tapað 19. Bæði lið unnu stórsigra í síðasta leik sínum, Indiana valtaði yfir Milwaukee 112-88 og Washington sigraði Atlanta 103-72.

Sport 13.1.2006 20:49

Defoe orðaður við Liverpool

Breska slúðurpressan gerir því nú skóna að Rafael Benitez, stjóri Liverpool, muni gera Tottenham kauptilboð í enska landsliðsframherjann Jermain Defoe í sumar. Benitez er þó ekki sagður muni bjóða hátt í framherjann, því honum þykir verðmiðinn á enskum leikmönnum vera út í hött.

Sport 13.1.2006 19:14

Arsenal kaupir Adebayor

Arsenal hefur fest kaup á framherjanum Emmanuel Adebayor frá Mónakó í Frakklandi. Arsene Wenger, stjóri Arsenal, greindi frá því seinnipartinn í dag að félagið væri á höttunum eftir hinum 21 árs gamla landsliðsmanni Afríkuríkisins Tógó, en hlutirnir gengu hratt fyrir sig nú undir kvöldið og nú hafa félögin komist að samkomulagi um söluna.

Sport 13.1.2006 19:02

Óvíst með bardaga Hopkins og Jones

Draumabardagi þeirra Bernard Hopkins og Roy Jones Jr gæti nú verið í hættu, því illa gengur að semja um peningahliðina á bardaganum, sem fyrirhugaður var þann 11. mars næstkomandi. Báðir hnefaleikarar mega að vísu muna fífil sinn fegurri, en þó var talið víst að húsfyllir yrði þegar þessir fyrrum kóngar í sínum þyngdarflokki mættust aftur í hringnum.

Sport 13.1.2006 17:57

Rooney bestur í desember

Framherjinn Wayne Rooney hjá Manchester United var í dag útnefndur leikmaður desembermánaðar í ensku úrvalsdeildinni í knattspyrnu. Rooney skoraði fimm mörk í sjö leikjum í desember og hefur því alls skorað tíu mörk í deildinni. Þetta er í annað sinn sem hinn tvítugi leikmaður hlýtur þennan heiður, en hann var áður kjörinn leikmaður mánaðarins í febrúar í fyrra.

Sport 13.1.2006 17:53

Benitez stjóri mánaðarins

Rafa Benitez, stjóri Liverpool, var í dag kjörinn knattspyrnustjóri mánaðarins í ensku úrvalsdeildinni, annan mánuðinn í röð. Liverpool hefur verið á mikilli sigurgöngu í deildinni og vann meðal annars tíu leiki í röð.

Sport 13.1.2006 17:49

Hefur áhuga á Adebayor

Arsene Wenger hefur lýst yfir áhuga sínum á að fá sóknarmanninn Emmanuel Adebayor hjá Mónakó í raðir Arsenal og segir að tíðinda gæti verið að vænta strax í kvöld. Wenger líkir Tógómanninum við Nwankwo Kanu og segir hann hafa allt til að bera til að geta hjálpað liði sínu, því hann sé fljótur og sterkur í loftinu.

Sport 13.1.2006 16:58

Keppir í fyrsta sinn við útlending

Vonarstjarna breskra hnefaleika, hinn 19 ára gamli Amir Khan, keppir í fyrsta skipti við útlendan andstæðing á atvinnumannsferli sínum í Nottingham þann 28. janúar nk. Hann mun keppa við hinn 21 árs gamla Vitali Marynov, en Englendingar vonast til að Khan verði orðinn stórstjarna í hnefaleikaheiminum á næsta ári.

Sport 13.1.2006 16:38

Barn varð fyrir bíl og lét lífið

Franski ökuþórinn Luc Alphand náði forystu í París Dakar rallinu eftir 13. leiðina í dag, en það féll í skuggan af hræðilegum atburði þegar ungur drengur hljóp í veg fyrir einn keppnisbílanna og lét lífið. Carlos Sainz er í öru sæti í keppninni og Ginel De Villiers er í þriðja sætinu.

Sport 13.1.2006 16:27

Ráðning Staunton formlega gengin í gegn

Fyrrum landsliðsmaðurinn Steve Staunton hefur nú formlega verið ráðinn landsliðsþjálfari Íra í knattspyrnu og segist sjálfur vera hreykinn og ánægður að taka við starfinu. Staunton spilaði sjálfur yfir 100 landsleiki fyrir Íra á sínum tíma.

Sport 13.1.2006 16:13

Hætt við að skipta á Artest og Maggette

Orðrómurinn sem hefur verið á kreiki síðustu daga um að Indiana Pacers og LA Clippers hafi ætlað að skiptast á leikmönnum var staðfestur í nótt, þegar í ljós kom að Indiana bakkaði út úr því að fá hinn meidda Corey Maggette í skiptum fyrir vandræðagemlinginn Ron Artest.

Sport 13.1.2006 14:42

Vísar fréttum um Walcott á bug

Arsene Wenger, stjóri Arsenal, vísar því harðlega á bug að Arsenal sé búði að landa undrabarninu Theo Walcott hjá Southampton fyrir fé sem sagt er vera á bilinu 10-15 milljónir punda. "Ég hef vissulega áhuga á leikmanninum, en það liggja engir samningar fyrir," sagði Wenger. Forráðamenn Southampton koma líka af fjöllum þegar þeir eru spurðir út í viðskiptin sem sagt var frá í morgun.

Sport 13.1.2006 14:50

Búinn að fá nóg

Pólski markvörðurinn Jerzy Dudek segist vera búinn að fá nóg af því að verma tréverkið hjá Liverpool og segist ætla að gera hvað sem er til að losna þaðan í burtu hið snarasta. "Minn tími er kominn hjá Liverpool og ekkert fær því breytt. Félagið vill fá svimandi háa upphæð fyrir mig og gerir mér því ómögulegt að fara héðan. Ég hef fengið nóg," sagði Dudek og er æfur út í knattspyrnustjóra sinn.

Sport 13.1.2006 14:27

Matt Jansen kominn til Bolton

Framherjinn Matt Jansen hefur nú gengið í raðir Bolton í ensku úrvalsdeildinni, eftir að hann var leystur undan samningi sínum hjá Blackburn á dögunum. Jansen var eitt sinn einhver efnilegasti framherji á Englandi, en lenti í slysi fyrir nokkrum árum og hefur aldrei verið samur síðan. Sam Allardyce, stjóri Bolton, hefur þó mikla trú á honum og hefur samið við hann út tímabilið.

Sport 13.1.2006 14:23