Þetta var fyrri leikur liðanna í 16-liða úrslitum keppninnar og í fyrsta skipti sem þessi félög mætast í Evrópuleik.
Það er skemmst frá því að segja að Liverpool var mun sterkara liðið allan leikinn og ef ekki hefði verið fyrir stórleik David de Gea í marki Man. Utd þá hefði liðið tapað enn stærra.
Þökk sé hans leik á United enn smá möguleika í síðari leiknum.
Daniel Sturridge skoraði úr víti í fyrri hálfleik og Firmino bætti við marki í þeim seinni eftir skelfileg mistök hjá Michael Carrick.
Önnur úrslit:
Shaktar-Anderlecht 3-1
Fenerbahce-Braga 1-0
Basel-Sevilla 0-0
Dortmund-Tottenham 3-0
Bilbao-Valencia 1-0
Sparta Prag-Lazio 1-1
Villarreal-Bayer Leverkusen 2-0
