Guðbjörg aftur í landsliðið, reynsluboltar snúa aftur og fullt af ungum Blikum í hópnum

Jón Þór Hauksson, þjálfari íslenska kvennlandsliðsins í knattspyrnu, hefur tilkynnt hópinn sinn fyrir vináttulandsleiki við Finna í næsta mánuði.

Jón Þór gerir fullt af breytingum á hópnum sem fór út til Suður-Kóreu í apríl en þá gaf hann mörgum reynslumestu leikmönnum liðsins frí.

Jón Þór kallar nú á Guðbjörgu Gunnarsdóttur í fyrsta sinn en hún hefur ekkert spilað með landsliðinu á þessu ári vegna meiðsla. Guðbjörg er aftur farin að spila með Djurgarden í sænsku deildinni og hélt hreinu í góðum sigri í síðasta leik fyrir HM-frí.

Reynsluboltarnir Sara Björk Gunnarsdóttir, Margrét Lára Viðarsdóttir, Sif Atladóttir og Dagný Brynjarsdóttir koma allar inn í liðið.

Jón Þór kallar líka á margar unga leikmenn úr Breiðabliki en bæði Alexandra Jóhannsdóttir og Agla María Albertsdóttir kom aftur inn í landsliðið sem og þær Áslaug Munda Gunnlaugsdóttir og Karólína Lea Vilhjálmsdóttir sem eru með í fysta sinn.

Rakel Hönnudóttir og Svava Rós Guðmundsdóttir eru meiddar og geta því ekki tekið þátt.

Leikmennirnir sem detta út eru Bryndís Lára Hrafnkelsdóttir, Guðrún Arnardóttir, Anna Rakel Pétursdóttir, Elísa Viðarsdóttir, Þórdís Hrönn Sigfúsdóttir, Andrea Rán Hauksdóttir, Selma Sól Magnúsdóttir, Sigríður Lára Garðarsdóttir, Lára Kristín Pedersen, Rakel Hönnudóttir og Svava Rós Guðmundsdóttir. Þá detta líka út Andrea Mist Pálsdóttir og Arna Sif Ásgrímsdóttir sem komu inn í forföllum.

Ísland mætir Finnlandi í júní í tveimur vináttuleikjum, fyrst í Turku 13. júní og síðan í Espoo 17. júní. Báðir leikirnir hefjast kl. 15:30 að íslenskum tíma.

Hópurinn fyrir leikina á móti Finnlandi:

Guðbjörg Gunnarsdóttir | Djurgarden

Sandra Sigurðardóttir | Valur

Sonný Lára Þráinsdóttir | Breiðablik

Ásta Eir Árnadóttir | Breiðablik

Áslaug Munda Gunnlaugsdóttir | Breiðablik

Guðný Árnadóttir | Valur

Ingibjörg Sigurðardóttir | Djurgarden

Anna Björk Kristjánsdóttir | PSV

Glódís Perla Viggósdóttir | Rosengard

Sif Atladóttir | Kristianstad

Hallbera Guðný Gísladóttir | Valur

Karólína Lea Vilhjálmsdóttir | Breiðablik

Alexandra Jóhannsdóttir | Breiðablik

Gunnhildur Yrsa Jónsdóttir | Utah Royals

Dagný Brynjarsdóttir | Portland Thorns

Margrét Lára Viðarsdóttir | Valur

Sara Björk Gunnarsdóttir | Wolfsburg

Hlín Eiríksdóttir | Valur

Agla María Albertsdóttir | Breiðablik

Sandra María Jessen | Leverkusen

Berglind Björg Þorvaldsdóttir | Breiðablik

Elín Metta Jensen | Valur

Fanndís Friðriksdóttir | Valur