Leikmaður Atlanta Hawks lést

Miðherjinn Jason Collier hjá Atlanta Hawks í NBA deildinni, lést í sjúkrabifreið í dag eftir að hafa átt erfitt með andardrátt og hnigið niður á heimili sínu. Hann var 28 ára gamall og lætur eftir sig eiginkonu og unga dóttur, en dánarorsök er enn óljós. Collier var valinn númer 15 af Milwaukee í nýliðavalinu árið 2000, en var fljótlega skipt til Houston Rockets. Síðustu árin var hann svo hjá Atlanta og var raunar sá leikmaður í hópnum í dag sem hafði verið lengst hjá félaginu.