Gleymum Chelsea

Gary Neville hjá Manchester United hefur sagt samherjum sínum að gleyma því að reyna að ná Chelsea í toppslagnum í úrvalsdeildinni og einbeita sér frekar í að hinum liðunum þremur sem eru fyrir ofan United í dag.

"Á þessari stundu held ég að við ættum að einbeita okkur að því að sækja á liðin sem eru rétt fyrir ofan okkur í töflunni. Chelsea er í mjög sterkri stöðu eftir fyrstu tíu umferðirnar og þetta er ekki staða sem við vildum lenda í svona snemma á tímabilinu. Við erum ekki að fá öll stigin á heimavelli og það gerir okkur erfitt um vik, því ef maður ætlar að ná árangri í þessari deild, verður maður að klára heimaleikina," sagði Gary Neville.