Mandaric ætlar að opna budduna

Milan Mandaric, stjórnarformaður Portsmouth, ætlar að opna budduna sína rækilega í janúar og hella sér á leikmannamarkaðinn með það fyrir augum að styrkja liðið í fallbaráttunni.

Harry Redknapp, knattspyrnustjóri liðsins, hefur þegar sagt Mandaric að hann væri að eyða peningum sínum til einskis ef liðið fellur í vor, en það stöðvar formanninn ekki og hann segist nú ætla að eyða meiri peningum en til stóð upphaflega. Talið er að fyrsti leikmaðurinn á innkaupalista þeirra félaga verði pólski landsliðsmaðurinn Emmanuel Olisadebe hjá Pananthinaikos.