Létt hjá Inter Milan

Inter Milan saxaði á forskot Juventus niður í 5 stig á toppi ítölsku úrvalsdeildarinnar í knattspyrnu í kvöld með 3-0 sigri á Palermo. Esteban Cambiasso og Luis Figo skoruðu sitt hvort markið fyrir Inter enn eitt markanna var sjálfsmark. Inter er nú með 48 stig í 2. sæti deildarinnar en Juventus á leik til góða.

Einnig í kvöld gerðu Lazio og Cagliari 1-1 jafntefli. Paolo Di Canio skoraði mark Lazio sem lauk leiknum með aðeins 9 leikmenn innanborðs eftir að hafa misst Sebastiano Siviglia á 40. mínútu og Fabio Liverani á 80. mínútu út af, báða með rauða spjaldið. Lazio er í 9. sæti með 30 stig en Cagliari í fimmta neðsta sæti með 19 stig.