Flúðu á ofsahraða undan lögreglu

Lögreglan í Borgarnesi leitar bifhjólamanns, sem mældist á yfir 200 kílómetra hraða skammt frá bænum, í fyrrinótt og stakk af. Fjöldi mótorhjóla hefur nær tvöfaldast á einu og hálfu ári og nýjum bifhjólamönnum um rösklega fimmtán hundruð.

Þegar lögreglumenn úr Borgarnesi voru að koma úr verkefni í fyrrinótt sáu þeir til tveggja bifhhjólamanna á ofsahraða á norðurleið eftir þjóðveginum sunnan við Borgarnes og hófu þegar eftirför með blikkandi ljósum. Um tíma mældust báðir bifhjólamennirnir á yfir 200 kílómetar hraða, en á móts við sumarbústaðahverfið Ölver gast annar upp og nam staðar, en hinn hvarf út í buskann á ofsa hraða. Fullkominn upptökubúnaður í lögregllubílnum náði atburðarrásinni og eftir þeirri upptöku er ökuníðingsins nú leitað, en félagi hans, sem gafst upp, neitar að segja til hans. Umferðarstofa líkir fjölgun bifhjóla upp á síðkastið við sprengingu. Fjöldi þeirra hefur nær tvöfaldast á einu og hálfu ári, þar af hafa þúsund hjól bæst við í ár og eru þau nú samtals vel á sjötta þúsund í landinu. Þá hefur nýjum réttindahöfum á bifhjól fjölgað um rösklega 15 hundruð á hálfu öðru ári, en menn með bílpróf þurfa 12 tíma bóklegt námskeið og 11 tíma verklegt, til að öðlast réttindi á bifhjól. Án þess að það hafi vísindalega verið tekið saman bendir felst til þess að bifhjólaslysum hafi fjölgað hlutfallslega mun minna en fjölgun hjóla og nýrra ökumanna gæti gefið tilefni til.