Landsmenn hvattir til að styðja "strákinn okkar" 25. ágúst 2006 19:20 MYND/Hrönn Sannkölluð rokkstemmning virðist vera að myndast í landinu í kringum "strákinn okkar", Magna Ásgeirsson söngvara, sem hefur slegið í gegn í raunveruleikaþættinum Rockstar Supernova. Gengur nú tölvupóstur manna á milli þar sem fólk er hvatt til að styðja kappann svo hann falli ekki úr leik. Foreldrar hans vilja hins vegar fara að fá hann heim. Líklegt má telja að margir hafi mætt vansvefta í vinnuna á miðvikudögum og fimmtudögum síðustu vikurnar enda er um fátt annað rætt á kaffistofum landsins en velgengni Magna í þættinum. Þar hefur þessi söngvari hljómsveitarinnar Á móti sól barist við 14 aðra söngvara frammi fyrir milljónum sjónvarpsáhorfenda um það að leiða rokksveitina Supernova. Áhorfendur taka þátt í að velja söngvarann með atkvæðagreiðslu í gegnum síma og Netið og nú standa sex keppendur eftir. Í ljósi harðnandi samkeppni telja margir að Magni geti verið á leið heim í næstu viku og því ganga nú tölvuskeyti um netheima þar sem fólk er hvatt til að styðja við bakið á stráknum okkar eins og hann er kallaður. Forsvarsmenn Skjás eins, sem sýnir þáttinn, fengu upplýsingar eftir síðasta þátt að handfylli atkvæða hefði ráðið því að Magni var í hópi þriggja neðstu og því segja þeir hvert atkvæði skipta máli. Ljóst er að í heimabyggð Magna Ásgeirssonar, Bakkagerði á Borgarfirði eystra, leggja menn sitt af mörkum en þar hafa bæði heima- og ferðamenn komið saman í félagsheimilinu og fylgst með kappanum. Í hópi áhorfenda eru foreldrar Magna sem eru að sjálfsögðu stoltir af pilti. Móðir hans, Jóhanna Borgfjörð, segist hins vegar aðspurð vonast til að hann vinni ekki í þættinum og faðir hans, Ásgeir Arngrímsson, vonast til að hann fari að koma heim. Hvort foreldrunum verður að ósk sinni verður tíminn að leiða í ljós en þeir sem vilja styðja Magna geta gert það aðfararnótt miðvikudags milli klukkan 2 og 6 með því að senda SMS-skeyti eða greiða atkvæði á heimasíðunni rockstar.msn.com Fréttir Innlent Mest lesið Kalli Bjarni búinn að breyta lífi sínu Lífið Flaug á hausinn fyrsta skóladaginn eftir frí Lífið „Að koma hingað inn er eins og að fara inn í annan heim“ Lífið „Magnað ég hafi lifað 22 ár án þess að fara í aðra aðgerð“ Lífið Ást er: Skrifa sína eigin Rómeo og Júlíu Makamál Njáll á yfir fimmtíu mótorhjól og mun aldrei hætta að safna Lífið Rikki G á stórafmæli: „Ég er bara að fara að grenja“ Lífið Fögnuðu sigrum sínum langt fram á nótt Lífið Harpa kvótadrottning aftur á skjáinn Bíó og sjónvarp Strípibúlluást sem hleypir öllu í háaloft Gagnrýni Fleiri fréttir Íslensku tónlistarverðlaunin: Damon Albarn lét óvænt sjá sig Útskrifaðist úr verkfræði og gerðist tónlistarmaður Samstarfsverkefni Loreen og Ólafs Arnalds lítur dagsins ljós Dusta rykið af danssokkunum Daniil og Birnir í eina sæng Angie Stone lést í bílslysi „Frelsi til að gera allt sem þig langar til“ Þessi eru tilnefnd til Íslensku tónlistarverðlaunanna Bein útsending: Tilnefningar til Íslensku tónlistarverðlaunanna Draumurinn rættist að syngja með Bubba Gekk 20 metra á 35 mínútum í tíu gráðu frosti The Smashing Pumpkins til Íslands Þau fóru áfram í úrslit söngvakeppninnar Sjá meira
Sannkölluð rokkstemmning virðist vera að myndast í landinu í kringum "strákinn okkar", Magna Ásgeirsson söngvara, sem hefur slegið í gegn í raunveruleikaþættinum Rockstar Supernova. Gengur nú tölvupóstur manna á milli þar sem fólk er hvatt til að styðja kappann svo hann falli ekki úr leik. Foreldrar hans vilja hins vegar fara að fá hann heim. Líklegt má telja að margir hafi mætt vansvefta í vinnuna á miðvikudögum og fimmtudögum síðustu vikurnar enda er um fátt annað rætt á kaffistofum landsins en velgengni Magna í þættinum. Þar hefur þessi söngvari hljómsveitarinnar Á móti sól barist við 14 aðra söngvara frammi fyrir milljónum sjónvarpsáhorfenda um það að leiða rokksveitina Supernova. Áhorfendur taka þátt í að velja söngvarann með atkvæðagreiðslu í gegnum síma og Netið og nú standa sex keppendur eftir. Í ljósi harðnandi samkeppni telja margir að Magni geti verið á leið heim í næstu viku og því ganga nú tölvuskeyti um netheima þar sem fólk er hvatt til að styðja við bakið á stráknum okkar eins og hann er kallaður. Forsvarsmenn Skjás eins, sem sýnir þáttinn, fengu upplýsingar eftir síðasta þátt að handfylli atkvæða hefði ráðið því að Magni var í hópi þriggja neðstu og því segja þeir hvert atkvæði skipta máli. Ljóst er að í heimabyggð Magna Ásgeirssonar, Bakkagerði á Borgarfirði eystra, leggja menn sitt af mörkum en þar hafa bæði heima- og ferðamenn komið saman í félagsheimilinu og fylgst með kappanum. Í hópi áhorfenda eru foreldrar Magna sem eru að sjálfsögðu stoltir af pilti. Móðir hans, Jóhanna Borgfjörð, segist hins vegar aðspurð vonast til að hann vinni ekki í þættinum og faðir hans, Ásgeir Arngrímsson, vonast til að hann fari að koma heim. Hvort foreldrunum verður að ósk sinni verður tíminn að leiða í ljós en þeir sem vilja styðja Magna geta gert það aðfararnótt miðvikudags milli klukkan 2 og 6 með því að senda SMS-skeyti eða greiða atkvæði á heimasíðunni rockstar.msn.com
Fréttir Innlent Mest lesið Kalli Bjarni búinn að breyta lífi sínu Lífið Flaug á hausinn fyrsta skóladaginn eftir frí Lífið „Að koma hingað inn er eins og að fara inn í annan heim“ Lífið „Magnað ég hafi lifað 22 ár án þess að fara í aðra aðgerð“ Lífið Ást er: Skrifa sína eigin Rómeo og Júlíu Makamál Njáll á yfir fimmtíu mótorhjól og mun aldrei hætta að safna Lífið Rikki G á stórafmæli: „Ég er bara að fara að grenja“ Lífið Fögnuðu sigrum sínum langt fram á nótt Lífið Harpa kvótadrottning aftur á skjáinn Bíó og sjónvarp Strípibúlluást sem hleypir öllu í háaloft Gagnrýni Fleiri fréttir Íslensku tónlistarverðlaunin: Damon Albarn lét óvænt sjá sig Útskrifaðist úr verkfræði og gerðist tónlistarmaður Samstarfsverkefni Loreen og Ólafs Arnalds lítur dagsins ljós Dusta rykið af danssokkunum Daniil og Birnir í eina sæng Angie Stone lést í bílslysi „Frelsi til að gera allt sem þig langar til“ Þessi eru tilnefnd til Íslensku tónlistarverðlaunanna Bein útsending: Tilnefningar til Íslensku tónlistarverðlaunanna Draumurinn rættist að syngja með Bubba Gekk 20 metra á 35 mínútum í tíu gráðu frosti The Smashing Pumpkins til Íslands Þau fóru áfram í úrslit söngvakeppninnar Sjá meira